影片
更多
2021-01-20
121 浏览
其实呢间餐厅已经帮衬过N次，一直都系我嘅私心收藏，今次终于忍唔住要将好餐厅分享出嚟俾大家知。我哋嗌左个二人餐，前菜有沙律同忌廉南瓜汤。《忌廉南瓜汤🎃》好Creamy，小编觉得忌廉味比南瓜味突出，味道较甜，每啖汤都食到南瓜蓉，感觉真材实料，而且够热，作为头盘表现唔错。至于个《沙律🥗》，就系日式芝麻酱沙律，有菠萝粒、番茄仔同埋沙律菜，简单清新又美观。《挪威烟三文鱼水煮蛋黄金卡邦尼扁意粉🐟🍳》净系睇个名，都知道呢味菜一啲都唔简单，不愧为推介之选。烟三文鱼嘅烟熏味都几重，一食就知唔系一般货式，咬落去系有口感，而唔系一咬就散晒。水煮蛋本身就已经系多功夫嘅菜式，小编都非常喜欢，最钟意就系将半熟嘅蛋汁捞埋啲意粉一齐食，可以增加卡邦尼意粉蛋香味同埋令成个意粉更Creamy。烟肉粒冇炒到过熟或过脆。至于意粉除咗弹牙外，佢嘅份量都唔少，男仔都唔怕上到Café会唔够饱。《安格斯牛肉手工竹炭汉堡配脆薯》好少可以食到竹炭汉堡🍔，黑蚊蚊嘅外表非常型格同吸睛，打卡一流。除咗外表吸引外，味道都几有水准，汉堡扒非常厚身，肉质肥瘦比例均衡，咬落去弹牙而非常多肉汁，入口亦唔会过硬或散开。加上两块半熔嘅车打芝士🧀同埋两大片蕃
其实呢间餐厅已经帮衬过N次，一直都系我嘅私心收藏，今次终于忍唔住要将好餐厅分享出嚟俾大家知。我哋嗌左个二人餐，前菜有沙律同忌廉南瓜汤。《忌廉南瓜汤🎃》好Creamy，小编觉得忌廉味比南瓜味突出，味道较甜，每啖汤都食到南瓜蓉，感觉真材实料，而且够热，作为头盘表现唔错。至于个《沙律🥗》，就系日式芝麻酱沙律，有菠萝粒、番茄仔同埋沙律菜，简单清新又美观。
忌廉南瓜汤
1 浏览
0 赞好
0 留言
《挪威烟三文鱼水煮蛋黄金卡邦尼扁意粉🐟🍳》
净系睇个名，都知道呢味菜一啲都唔简单，不愧为推介之选。烟三文鱼嘅烟熏味都几重，一食就知唔系一般货式，咬落去系有口感，而唔系一咬就散晒。水煮蛋本身就已经系多功夫嘅菜式，小编都非常喜欢，最钟意就系将半熟嘅蛋汁捞埋啲意粉一齐食，可以增加卡邦尼意粉蛋香味同埋令成个意粉更Creamy。烟肉粒冇炒到过熟或过脆。至于意粉除咗弹牙外，佢嘅份量都唔少，男仔都唔怕上到Café会唔够饱。
挪威烟三文鱼水煮蛋黄金卡邦尼扁意粉
20 浏览
0 赞好
0 留言
《安格斯牛肉手工竹炭汉堡配脆薯》
好少可以食到竹炭汉堡🍔，黑蚊蚊嘅外表非常型格同吸睛，打卡一流。除咗外表吸引外，味道都几有水准，汉堡扒非常厚身，肉质肥瘦比例均衡，咬落去弹牙而非常多肉汁，入口亦唔会过硬或散开。加上两块半熔嘅车打芝士🧀同埋两大片蕃茄🍅，满口幸福滋味。脆薯🍟应该系即叫即炸，因为上枱嘅时候都系热辣辣，制作亦需时，够脆亦都够调味，整体都不错。
安格斯牛肉手工竹炭汉堡配脆薯
16 浏览
0 赞好
0 留言
《400次抹茶🍵》
早排大热嘅400次咖啡就饮过几次， 400次抹茶4️⃣0️⃣0️⃣🍵真系第一次饮，抹茶泡非常绵滑同够厚，味道亦够醇浓，可见老板非常大方，加廿蚊就饮到真系抵到爆，仲唔使自己喺屋企搞餐懵。
《芝士奶盖四季春拿铁》🧀🧀🧀
芝士奶盖都几厚，甜中带少少咸，奶味比芝士味重，口感顺滑，浓稠度适中，冰量刚好，唔会成杯都系冰，而四季春茶底味道就唔算太出。
嚟得Café，甜品梗系唔少得！小编每次都会加购个《抹茶奶涷🍵》同埋《原味奶涷🍼》，两个奶涷嘅表现都唔错，够滑溜，抹茶味/奶味都好香浓，为周末划上完美句号～
整体来讲，餐厅嘅食物质素都几高，性价比高，加上交通位置便利，所以一直都系小编嘅私心收藏。顺带一提，呢间Café养咗好多得意可爱嘅猫猫🐱😸😻，爱猫嘅奴才一定要来试试。
张贴
