熊本牛鍋 (永勝商業中心)

营业中

休息中

天气一凉凉地，香港人就出动打边炉。香港打边炉嘅选择真系唔少，麻辣火锅，一人一锅，鸡煲等各具特色，亦都各具滋味。一大班人去咗尖沙咀呢间熊本牛锅，钟意佢地方唔大，有少少似私房菜，但系系火锅模式，蔬菜，丸，水饺云吞，全部自助形式饮食，仲有雪糕甜品。至于肉类，可以选择加拿大豚肉，日本鸡肉或者美国牛肩胛，牛小排，A4和牛，全部产地直送，见到佢厨房入面有部切肉机，即叫即切，上枱嘅时候肉质仲鲜嫩红色，非常新鲜，而且厚度适中，肉脂均匀，第一次食到咁新鲜嘅肉类😋🥩. 多款汤底之中，我哋拣咗蕃茄薯仔汤。汤底唔算特别浓，但系好在出面有蕃茄拎，所以汤底嘅浓度可以算系自己调配，汤底当中真系加入咗薯仔，而且滚咗两个钟，薯仔都唔烂。将肉类蔬菜放入番茄薯仔汤入面滚，到最后，汤底浓缩精华老实说，比起其他花胶煲乜汤底，呢个系更加天然美味。饮品自助形式，款式选择唔算少。钟意无糖嘅有茶，钟意韩式特色饮料嘅有忌廉牛奶，亦都有啤酒，值得一提佢哋有自家煲仔嘅五花茶同夏灰草， 感觉好窝心。