Notte (已結業)

周三晚赛马日冇P开，靓女舞友就约XO仔去一家仍在试业中o既私房西餐厅「Notte」度撑枱脚。步入正门，左方先为光猛o既开放式厨房。饭前已可望到师傅个个手穿蓝色手套，忙碌地工作，透明度极高。用餐区域以厚厚o既隔音板门间出，当晚分咗o既两间房其实可以打通为一间大房，隔音之余，亦隔埋厨房传出o既油烟味，开私人派对就最适合不过。最意想不到就系私房菜居然有个咁靓o既景，应属观赏烟花o既好地点。埋位后，温婉o既哥哥先送上暖水，实在体贴。餐店有提供几款酒品配对食物，但因二人饭前已欢乐咗成个几钟，饭后又会再去马场个啤酒园度畅饮，当晚就决定唔沟酒饮。见饮咗半肚啤酒，XO仔就点咗个五道菜晚餐，亦即少咗旧鱼。点好菜，好快就有面包食，当中暖手o既牛角包外脆内松软。据悉，餐前小食o既款式会不定时转换，当晚o既两款为蟹肉青瓜及帕马火腿蜜瓜。蟹肉以沙律酱调味，湿润清甜。真系冇谂过薄薄o既帕马火腿拼蜜瓜可以黑松露酱点缀，能突出火腿o既咸香o既同时，效果十分鲜美醒神。Japanese Top Grade Abalone, Japanese Sauce：第一道冷盘日式冻鲍鱼一客有两件厚润烟韧o既鲍鱼，碟边伴上以红酒调出之