影片
更多
2018-08-07
222 浏览
因为姨甥仔返香港放暑假，近排多左出外用餐， 事关佢已经表态话明年唔会返香港， 所以要食尽香港地道美食， 我地呢班长辈，唯有舍命(除左出钱，仲要出磅数架) 陪君子啦😏。今日我开完会，佢又想拉我去食好野， 但我实在有心无力，所以只肯去屋企附近觅食。沙田新城市已经食到厌，于是约佢出大围转转，揾左间舖位细细嘅火锅店，六点零钟咁早已经有几枱人，坐低睇菜单(佢地好先进，是用ipad落单的) 佢应该系主打食牛🐂🐂，咩部位都有。其实我对牛一啲常识都冇，平时都系朋友负责落单我负责食嘅， 但今次要自己点，我就拣啲平日少见嘅部位啦。点左澳州和牛胸肉、牛驼峰同金花趾。再加两个小食：手拍黄瓜同冰麻牛。汤底选左出面少有嘅牛杂汤，实行全牛宴上阵😁🤭。食物上枱时觉得每碟份量都好少，不过食落就觉得份量少有好处，皆因可以试多几款唔同肉质而且我见好多都好似我地咁，两个人嚟打边炉，份量少先可以点多几款，唔系嘅话一碟就饱哂啦😏。个牛杂汤底超正，好够味且好足料好多野食，质素好👍，姨甥仲讲笑话加个面就变出面啲牛杂面喇🤣。而三款牛肉呢，牛胸肉味道比较浓，但唔算滑，可能系因为唔肥啦，而牛驼峰会滑啲，不过我最喜欢嘅都系金花趾，因为质地似
今日我开完会，佢又想拉我去食好野， 但我实在有心无力，所以只肯去屋企附近觅食。沙田新城市已经食到厌，于是约佢出大围转转，揾左间舖位细细嘅火锅店，六点零钟咁早已经有几枱人，坐低睇菜单(佢地好先进，是用ipad落单的) 佢应该系主打食牛🐂🐂，咩部位都有。其实我对牛一啲常识都冇，平时都系朋友负责落单我负责食嘅， 但今次要自己点，我就拣啲平日少见嘅部位啦。点左澳州和牛胸肉、牛驼峰同金花趾。再加两个小食：手拍黄瓜同冰麻牛。汤底选左出面少有嘅牛杂汤，实行全牛宴上阵😁🤭。
食物上枱时觉得每碟份量都好少，不过食落就觉得份量少有好处，皆因可以试多几款唔同肉质而且我见好多都好似我地咁，两个人嚟打边炉，份量少先可以点多几款，唔系嘅话一碟就饱哂啦😏。
个牛杂汤底超正，好够味且好足料好多野食，质素好👍，姨甥仲讲笑话加个面就变出面啲牛杂面喇🤣。
而三款牛肉呢，牛胸肉味道比较浓，但唔算滑，可能系因为唔肥啦，而牛驼峰会滑啲，不过我最喜欢嘅都系金花趾，因为质地似爽脆嘅牛𦟌。
小食嘅冰麻牛好开胃好冰凉，而个黄瓜就够爽脆，不过我觉得可以再落多少少醋，酸啲更开胃。
打边炉当然要配啤酒🍺啦，但姨甥钟意饮wine, 呢啲麻甩野得我啱，唯有一个独酌，试佢嘅本土原浆手工啤酒，口味比较清淡爽口，配浓味嘅打边炉刚好。
今晚我地都好节制，点单份量刚好，skip左淀粉质主食，八成饱留肚出去食甜品😋😋😋🤭。
张贴
