影片
更多
2016-02-04
1473 浏览
年尾先到过一间楼上铺食法国菜，经食友嘅安排，今回又再有机会回味法菜滋味。由于有食友打点，少咗好多联络、安排事宜，一早到达，安心用餐。而食友所拣嘅餐厅就喺晌铜锣湾嘅Le Marron，上到去门面极尽神秘，仲写住「只招待会员」，食友喺会员？按钟入内，哗！一室好典雅，布置华丽，有少少走进法国古宅嘅感觉，因为，无论天花嘅吊灯、墙柜、画作、蜡烛台、其他摆设，以至柔和昏暗嘅灯光，都充满法式古典味。不过，店主为顾及客人嘅私隐，全间餐厅都以活动屏风及布帘分隔，间成多个唔同大细嘅用餐区域，犹如私窦，有四人、六人……甚至十多人一同用餐都无问题，今次真喺一个私窦嘅新发现。而且，今晚唔算好满，所以，见店员更刻意将客人再分隔开啲，私隐度就更高。既然装修得咁雅致，枱上摆设又点会马马虎虎，枱布、餐垫、餐巾、餐具、酒杯……等等都放置得一丝不苟。菜式选择方面，餐厅无套餐提供，主要就喺散叫。当然，由头盘、汤品、主菜、甜品、饮品都基本一一都有。而餐牌见佢印住一，二月，相信每两个月转一次。面包篮 $25一篮子面包，份量可不少，但只配一般嘅牛油，款式亦未见有咩特别。面包喺额外收费，可能有人觉得店方小家，但有时候又唔喺人人有兴趣
按钟入内，哗！一室好典雅，布置华丽，有少少走进法国古宅嘅感觉，因为，无论天花嘅吊灯、墙柜、画作、蜡烛台、其他摆设，以至柔和昏暗嘅灯光，都充满法式古典味。
不过，店主为顾及客人嘅私隐，全间餐厅都以活动屏风及布帘分隔，间成多个唔同大细嘅用餐区域，犹如私窦，有四人、六人……甚至十多人一同用餐都无问题，今次真喺一个私窦嘅新发现。而且，今晚唔算好满，所以，见店员更刻意将客人再分隔开啲，私隐度就更高。
既然装修得咁雅致，枱上摆设又点会马马虎虎，枱布、餐垫、餐巾、餐具、酒杯……等等都放置得一丝不苟。
菜式选择方面，餐厅无套餐提供，主要就喺散叫。当然，由头盘、汤品、主菜、甜品、饮品都基本一一都有。而餐牌见佢印住一，二月，相信每两个月转一次。
面包篮 $25一篮子面包，份量可不少，但只配一般嘅牛油，款式亦未见有咩特别。面包喺额外收费，可能有人觉得店方小家，但有时候又唔喺人人有兴趣食，免费送嘅可能做成浪费，所以，都喺观点与角度嘅问题。
头盘一共有7款，单睇名字都几特别，点选其中两款较为中价嘅炸田鸡腿及轻煎带子！
Sautéed Frog Leg with Garlic Herb Butter in Crispy Basket $128一客5件炸田鸡腿，以炸春卷皮做成脆篮，伴少少沙律菜，卖相的确花咗啲心思。田鸡腿颇大只，炸完都无话缩晒水，而且，好香蒜蓉、牛油香味，味道挺似港式嘅避风塘，只喺略嫌有少少干身。配点餐酒，可能别有一番风味！
Seared Scallops with Figs and Sesame Shiitake Mushroom Salad $160两粒烧带子绝对有睇头，烧得外层焦香，咬落却弹牙爽滑，极具质素；而伴碟嘅无花果亦十分清甜，中间嘅花菇沙律配芝麻酱，花菇冰凉带爽，又有芝麻嘅浓香，好食。
汤品共有3款，蘑菇汤相对较常饮，所以，我哋拣咗法式龙虾汤及洋葱汤。而前两者可加酥皮，只需额外俾多$20。
Lobster Bisque with Cognac $75由于灯光关系，色泽睇落唔喺咁橙红，不过，味道就闻都闻到虾香味，食友话入口龙虾味爆发，但稍稍认为质感薄身咗少少。
Traditional French Onion Soup ‘Au Gratin’ $95法式洋葱汤，厚厚嘅焗芝士皮，差啲以为喺酥皮，故此，此汤唔接受加酥皮。笃开芝士皮，汤色深沉充满洋葱香，又加入咗面包片，个汤变得几饱肚；不过，个人真喺觉得层芝士太厚，感觉好「漏」吓。
青柠雪葩（免费）饮完个咁重口味，感觉又有点「滞腻」嘅汤，细细一球青柠雪葩唔单止有清清味蕾嘅作用，又可以消消油腻之感。此时，店员亦会走过嚟问问我哋对菜式嘅意见。
头盘、汤品、雪葩以后，喺主菜出场嘅时候，主菜类会再细分几个类别：小主菜（Entree）、店家特色菜（Le Marron Favourites）、烤肉（On The Grill），8款选择中，每款都要二、三百一道菜。
Glazed Honey Pepper Female Barbary Duck Breast with Spaetzle and Madeira Jus $220我哋打趣咁讲，眼前嘅主菜好似小炒皇咁，以法国菜而言，卖相我就觉得唔合格嘞。味道方面，又可唔可所逆转？鸭胸红润柔软，带点蜜香及胡椒味，而个汁比较浓且杰身，初时以为烧汁味，嗒嗒吓越食越似家常嘅豉油煎鸡翼朕味，好奇问问，店员话喺以一种葡萄牙红酒煮制。反而，混晌菜式中嘅德国「虫仔」面（Spaetzle）几得意，烟韧有咬口。
Baked Black Truffle Souffle Red Snapper Fillet with Ratatouille Sauce $260讲卖相，依一道红鲷鱼比较花心思，既以焖杂菜（Ratatouille）做个「酱」汁底，又以黑松露梳乎厘作为菜式嘅点缀。个梳乎厘做得有一手，入口轻绵，渗出淡淡松露幽香，不过，夹红鲷又讲唔到话好夹，比较似两个个体，而肉鱼鲜甜，但嫩滑度一般；最后，反而喜欢个焖杂菜，有一份清新感。
甜品及饮品另设有餐牌，8款甜品中，有常见经典嘅法式炖蛋、梳乎厘，而甜品定价为$50-$80。
Baked Egg Tart & Macaron with Strawberry Compoto $65心想法式蛋挞唔知会喺点？原来只不过喺港式嘅迷你蛋挞，跟期望有啲落差，还好嘅喺两件马卡龙都做得有水准，咬落外脆而内里烟韧，中间填满士多啤梨及芒果果蓉。再食埋伴碟嘅士多啤梨果肉酱，大大中和番马卡龙嘅甜腻。
Banana Caramel Cheese Cake Xangos $75个焗蛋糕卷好好食，外层香脆，因为用上烤焗，而非油炸，健康不油腻，而中间卷入香蕉肉及忌廉芝士，又唧入焦糖浆，所以，味道既丰富，又有层次；而碟内嘅热情果浆，唔单煮暖咗，酸度亦有所调校，令整个甜品都好平衡。
Camomile Tea $38食友嘅洋甘菊茶，用上Twinings品牌，质素相对有保证，但味道如何？却无细问食友嘅感觉。
Latte $38小弟惯常甜品配鲜奶咖啡，虽然依度唔喺咖啡店，但杯鲜奶咖啡冲调不俗，拉花虽则唔够细致，但亦都似模似样；入口醇香，细滑而平均，唔使加糖都已经OK！
环境及服务上，都唔多可挑剔嘅地方，因为，确实布置上既古雅、又够私隐，而店员贴心嘅招待、适切嘅跟进，都让客人食得称心愉快。而喺晌菜式上，整体而言未有带嚟好多惊喜，无论卖相，抑或味道，未有预期中嘅效果。
张贴
