鴛鴦奶茶 (香港中文大學醫院)

营业中

休息中

嚟到大学站唔知食咩好，快餐店只有地铁站的美心和中大医院的鸳鸯奶茶。由于打算坐耐d又食好少少，便选择了鸳鸯奶茶。入到去，光线充足，环境新净，整洁卫生，令人感觉舒服，没有一般医院冷冰冰的感觉👍🏻叫咗「芝麻手撕鸡配白饭」配冻柠檬柚子蜜（$90）。手撕鸡有芝麻、花生、芫荽、芹菜、洋葱。对于钟意食鸡皮嘅朋友，呢度嘅手撕鸡啱晒你。手撕鸡有麻油香，捞白饭唔会感觉太干。要挑剔嘅系味道偏咸，如果有时菜伴碟会更加好，令到碟饭唔好咁斋。手撕鸡和饭的份量好多，叫咗少饭都系正常份量。除咗医护人员，估唔到都几多学生帮衬。由于系私立医院，就算系快餐店都偏贵，但价钱尚算可接受范围之内。