船皇 (大埔超級城) (已結業)

呢间船面已经食过几次，分别系铜锣湾同大埔都有试过，感觉水准都保持到。泰国既船面出名平，但香港你预左唔会食到泰国既价钱，但起码４～５０蚊可以食到大大碗足料既面都可以接受。今次去大埔分店食，座位比较阔落，店舖面积都比较大，所以感觉比较舒适。呢到就要自己去收银落单比钱先，再自己捧餐揾位，所以比较自助。船皇汤面每一次都必点呢个，虽然呢到分左猪、牛、鸡三款配料既面类，但如果你个人样样都想试啲，就一定要叫船皇汤面。配料有牛腩、牛肉片、牛丸、鸡丝、鸡翼、猪腩片、猪肉丸、猪润咁多款，每样１～２件，好丰富。今次仲有得＋＄１升级做和牛片，超抵！呢到既配料款款都好出色，本来已经好入味，加上佢浓浓又带点药材香既汤底，完全系我至爱！鸡翼鸡丝汤面佢既面汤底都系同一款，今次拣左河粉，大大片河粉好烟韧，好有口感。同行友人亦特别钟意每碗面上面附送既炸猪皮，非常香口。泰式炒金边粉都好推介呢到既粉金边粉。我首先比佢既份量吓亲，好大碟，一个人未必食得晒！而且入面有大大粒虾肉，有６～７粒左右，虾肉都爽口弹牙。金边粉炒完依然烟韧，加上味道带点微辣，十分惹味。泰仔奶茶非常好味，茶或香浓，奶茶又够滑，重点佢既甜度适中，完胜好多茶餐厅