醉胡爐 (已搬遷) 新店位置

[ 醉胡炉 ]呢间火锅店朋友介绍咗几次话好食，今日经开，心血来潮走入去试试。✿ 胡椒猪肚花胶鸡锅 $328汤底鲜美，加入猪肚、花胶等食材，汤底口感细嫩，丰富嘅胡椒同香料令汤汁更加清爽而不腻。另外鸡肉令整个汤底鲜美提升🆙。鸡肉本身8-9成熟，只需再焯一阵就可以食，鸡肉好嫩滑，可先饮汤再打边炉🍲。✿ 日式和风蕃茄沙律🥗 $58蕃茄新鲜🍅🍅，味道清新爽口，酸酸甜甜，好适合作为开胃菜。✿ 手切顶级安格斯肥牛🐮🐮(小) $298肉质细嫩，肥瘦均匀，叫个小份足够2-3人食。✿ 饺子拼盘🥟🥟 $128五宝饺有芫茜猪肉饺、黑松露香菇饺、鲜虾云吞饺、韭菜饺同水饺，5款都做得唔错，全部大大只，够哂新鲜。✿ 丸类拼盘 $128手打五宝丸有黑松露丸、梅菜猪肉丸、牛肉丸、虾丸同墨鱼丸，最特别喺梅菜猪肉丸，猪肉嘅鲜味同梅菜嘅咸酸味互相融合，口感丰富，非常美味。✿ 蔬菜拼盘🥬🥬 (小) $63呢个包罗万有嘅蔬菜拼盘啱哂我地d选择困难症嘅人，款式够多，摆盘好靓。总结🫦食物质素好好，而且3-4人仲可以包厢，私隐度够哂高。餐厅设计典雅，灯饰更仿如蒲公英，气氛浪漫，整个环境不会太嘈吵，感觉好舒适👍🏻👍🏻。✿✿✿✿✿✿✿✿✿