影片
更多
2022-05-21
664 浏览
第二次帮衬呢间人情味日式居酒屋老板好热心介绍今日有咩新鲜食材、餐牌食物同呢度独家既清酒。仲记得，第一次黎比老板既热情吓亲，不过见到佢枱枱都会热情招呼，仲越讲越开心 😂 我谂呢个系佢对食物既热情，如果大家有机会帮衬唔好比佢吓到。今次帮衬都系叫呢个明太子玉子烧，钟意佢蛋汁调味，清酒味好重、够火候！趁热食超好食！🤤我地仲叫左个鸡翼做前菜，无咩特别所以无影相。然后到主菜 — 焗蚝饭 🦪呢个焗蚝饭系我地黎既目标，因为上次食完一直记挂住佢既味道，我地一人一份 💛🧡💛 只蚝有手掌咁大，铺上米饭粒粒分明、好有咬口（老板话佢用既系越光米）加埋佢个调味酱同顶头块芝士OMGGGGGGGGGGGGGG … 真系要叫声「好好味啊！！！」最后听老板推介叫多左个海鲜乌冬。本身觉得乌冬之嘛，可以有咩咁特别？不过见佢落力推，又唔贵就试下。上菜觉得碗乌冬其貌不扬，有两只虾同mini带子咁样，但原来主角系乌冬本身！由乌冬既外表睇得出佢系手造乌冬，因为每条乌冬都头尾都有粗糙嘅切痕，食落软糯，好有咬口！真系唔系坊间可以买到嘅乌冬！细问之下，老板话系专程喺日本乡下订返嚟，个供应量非常之少。本身仲谂住可唔可以帮衬买几个生面番去自己
老板好热心介绍今日有咩新鲜食材、餐牌食物同呢度独家既清酒。仲记得，第一次黎比老板既热情吓亲，不过见到佢枱枱都会热情招呼，仲越讲越开心 😂 我谂呢个系佢对食物既热情，如果大家有机会帮衬唔好比佢吓到。
今次帮衬都系叫呢个明太子玉子烧，钟意佢蛋汁调味，清酒味好重、够火候！趁热食超好食！🤤
我地仲叫左个鸡翼做前菜，无咩特别所以无影相。
然后到主菜 — 焗蚝饭 🦪
呢个焗蚝饭系我地黎既目标，因为上次食完一直记挂住佢既味道，我地一人一份 💛🧡💛 只蚝有手掌咁大，铺上米饭粒粒分明、好有咬口（老板话佢用既系越光米）加埋佢个调味酱同顶头块芝士
OMGGGGGGGGGGGGGG … 真系要叫声「好好味啊！！！」
最后听老板推介叫多左个海鲜乌冬。本身觉得乌冬之嘛，可以有咩咁特别？不过见佢落力推，又唔贵就试下。
上菜觉得碗乌冬其貌不扬，有两只虾同mini带子咁样，但原来主角系乌冬本身！由乌冬既外表睇得出佢系手造乌冬，因为每条乌冬都头尾都有粗糙嘅切痕，食落软糯，好有咬口！真系唔系坊间可以买到嘅乌冬！细问之下，老板话系专程喺日本乡下订返嚟，个供应量非常之少。本身仲谂住可唔可以帮衬买几个生面番去自己煮，睇个款都无得买啦 😆
总结，食物质素高，同埋系全部都用心制作
总结完食物，就轻轻讲下服务同环境啦～
服务就只老板一个人 😂 侍应同厨师都系佢，所以上菜比较慢，所以要唔赶时间先好黎。同埋今次我地去Wifi坏咗，无得收卡，要去银行提款比现金。
环境唔错，还原日本居酒屋既Vibe，我地同隔离枱都有一块隔布挡一挡，讲野都唔会比隔离听到咁应声。目测都好多情侣或者认识中既男女黎帮衬，坐得Close之余都好似有个属于自己嘅空间咁，追女仔格局一流。 😏
张贴
