影片
更多
2021-10-10
182 浏览
三川居酒屋位于地库，一个唔觉意行过，真系留意唔到佢嘅存在😂而居然系地库都可以有咁多捧场客，证明呢间餐厅功力深厚，咁我哋当然要一战，去试一试佢系龙定虫喇！和风鱼生沙律($98)：新鲜沙律菜嘅爽脆配以柚子醋，味道好好，几开胃😌再加上切成粒状嘅鱼生和三文鱼籽和蟹籽带嚟嘅咸鲜味道，轻轻中和番柚子醋嘅酸，正！寿司 ：我哋都谂咗一阵，究竟叫鱼生拼盘或散叫寿司呢？最后决定散叫，因为可以试多几款呀嘛！以下几款系我哋嘅诚意推介：大拖罗($80/件)：本身以为无乜特别，本着试一试嘅心态放落口，点知食落无根，肥美😌 又切得厚，正！左口鱼裙边 (海盐$22/件；火炙$26/件 )：无论系想品尝左口鱼嘅原汁原味或用火枪迫啲鱼油出嚟都好，呢个都好好食，我哋唔建议沾豉油，以免盖过鱼油嘅香味(唔腥㗎，放心🤫)活赤贝 ($62/件)：爽口弹牙！当然无得同omakase比喇。以贝类嚟讲，如果唔新鲜，阵味真系冇得呃人(中过伏嘅就应该知我哋讲乜🤣)我哋前前后后叫咗9款寿司，有边款想知食评嘅，留言话俾我哋知喇！串烧 ：活白鳝 ($88/串)：呢个真系不得了，火候啱啱好，外脆内嫩，又肥美，真系要趁热食🤤可以话系今晚嘅重点推介之一
和风鱼生沙律($98)：新鲜沙律菜嘅爽脆配以柚子醋，味道好好，几开胃😌再加上切成粒状嘅鱼生和三文鱼籽和蟹籽带嚟嘅咸鲜味道，轻轻中和番柚子醋嘅酸，正！
寿司 ：
我哋都谂咗一阵，究竟叫鱼生拼盘或散叫寿司呢？最后决定散叫，因为可以试多几款呀嘛！以下几款系我哋嘅诚意推介：
大拖罗($80/件)：本身以为无乜特别，本着试一试嘅心态放落口，点知食落无根，肥美😌 又切得厚，正！
左口鱼裙边 (海盐$22/件；火炙$26/件 )：无论系想品尝左口鱼嘅原汁原味或用火枪迫啲鱼油出嚟都好，呢个都好好食，我哋唔建议沾豉油，以免盖过鱼油嘅香味(唔腥㗎，放心🤫)
活赤贝 ($62/件)：爽口弹牙！当然无得同omakase比喇。以贝类嚟讲，如果唔新鲜，阵味真系冇得呃人(中过伏嘅就应该知我哋讲乜🤣)
我哋前前后后叫咗9款寿司，有边款想知食评嘅，留言话俾我哋知喇！
串烧 ：
活白鳝 ($88/串)：呢个真系不得了，火候啱啱好，外脆内嫩，又肥美，真系要趁热食🤤可以话系今晚嘅重点推介之一
厚烧牛舌($68/串)：牛舌够厚，爽滑弹牙，再加表面嘅黑椒带嚟嘅香气，正！
冷面 ：
五目茶冷面($98)：食完咁多油腻野，想去食返清淡少少？呢个冷面帮到你！面质好好，唔会痴埋一旧，口感同时好弹牙，呑完个口仲有阵阵茶香😂
总结，呢间餐厅唔平，不过而家食材质素和品质嚟讲叫交足功课，最正系，佢哋服务好贴心，因为地方浅窄，每一台都有竹帘可以落下，以营造相对私人嘅感觉和气氛，呢点值得一赞👍🏻
张贴
