壽司郎 (黃埔天地)

营业中

休息中

又系出动去食 寿司郎 期间限定嘅时间喇， 今次嘅主题系「秋之味道巡游」（秋の味巡り），主打一啲秋天当造嘅食材，觉得今次限定 好多样野都几好食。 不过先讲最贵果款先， 「特大水煮松叶蟹配红楚蟹拌蟹膏」， 可能太挂住日本嘅味道，觉得呢个只系不过不失， 蟹味唔出， 蟹膏嘅质地亦系一般。 MVP 呢，系「炙烧三文鱼腹」，肥美肉厚，好食到立即二刷左 几款天妇罗又系有惊喜，寿司郎嘅炸物一向有水准，不过都系偏啖口啲，落单可以落埋包盐， 加啲盐更佳限定甜品今次就系联乘西班牙王室都认证嘅面包蛋糕店「Mallorca」推出限定甜品「究极巴斯克烤芝士蛋糕」，将两款芝士蛋糕二合为一， 效果几好， 要试。「北海道产秋刀鱼」，秋天嘅鱼，呢个都唔差， 几鲜味。「秋鲣鱼腩」，正常发挥「生七味酱渍长鯺吞拿鱼」，佢有少少辣辣地嘅，几特别。 「炙烧红叶鲷」，上面果旧柚子我自己就觉不太夹， 就咁食仲好食「银鱼仔蛋黄酱油海苔包」， 呢个一般， 再加上会漏汁有少少捩弃食寿司郎 系会上瘾嘅，又睇下下个月又有咩新野～