榮哥煮場 (已結業)

天气转凉，想食返个热锅。今日午餐去左旺角山东街中菜馆叫荣哥煮场食。例牌叫左全日供应既二人套餐，价钱系$268，包一个锅4选1，一款自选小菜24选1，前菜一碟，白饭两碗，同两碗是日甜品。前菜系蒜蓉云耳，另配香辣汁。云耳爽脆醒胃，味道酸酸地。浓汤花胶鸡煲用个炉滚住。个汤都算清唔会太油腻。爽口花胶份量好多。黄油鸡份量好多，特别喜欢嫩滑鸡腿肉，而且鸡有鸡味，配菜有云耳西芹同蒜头。酸甜骨份量好多，炸得块皮好香脆，个蓝莓汁酸甜开胃。伴碟仲有少少沙律菜。淮山面个餐配既两碗白饭可以转淮山面。淮山面大大碗，又幼身又滑溜，又有少少弹牙，我会推介。上面加左少少云耳，蒜头同西芹。是日甜品系杨枝甘露。杨枝甘露饮落有奶香又滑，仲有新鲜芒果肉，西米，同爆珠，好饮同refreshing。服务员服务态度都非常好呀。