十三少酸菜魚 (已結業)

平时间唔中都会去奥海城行下，顺便嚟大角咀呢边食好西。前排天气开始凉，特别想食d酸辣嘢，而咁啱同事们都好钟意食酸菜鱼，我哋就拣嚟十三少试下！  食酸菜鱼又点少得宽粉呢？所以落单个阵一齐叫埋，等d宽粉可以完全地索晒d汁！食之前先试咗啖汤，十分够味，味道偏酸（不过我钟意）有少少美中不足就系唔系好辣。至于食材方面，无论系鱼、菇、莴笋、宽粉都好足料，食极都仲有，加上d鱼都几厚，又完全冇细骨，最重要系食完都冇觉口渴，呢点几难得。除咗招牌酸菜鱼，我哋仲叫咗川式口水鸡。酸辣同麻辣我都好爱，有得一次过试晒2种辣真系Perfect口水鸡整到啱啱好熟，肉质嫩滑但又冇血水，加上充满浓郁麻辣味，令我几有惊喜！至于尖椒皮蛋，个卖相好靓，旧旧晶莹剔透，蛋黄呈金黄色，食落仲系流心，有少少Q弹嘅口感。虽然明白小店空间唔多，加上而家要配合防疫措施，变咗可以坐嘅空间又少咗。但安排比我哋嘅位真系几窄，旁边又有一箱二箱嘢，坐得唔太舒服。