影片
更多
2023-11-26
1295 浏览
秋冬季节，加上最近流感肆虐，大家要小心身体。新兴栈食家邻近佐敦站同庙街，店外长期有人轮候堂食或外卖。名气十足之余，佢嘅生滚粥都镬气十足，风味鲜味兼具。两次堂食，分别试咗鱼云粥、鱼咀粥、鱼腩鱼卜粥同鱼腩及第粥，价钱比一般粥店贵，但份量同配菜都绝唔马虎，啖啖肉咁济。半开放式嘅厨房见到非常粗犷嘅布置，好似大排档咁镬气滚粥，可谓罕见，的确堆满期望值。总结一下佢畀我嘅感受。鲜: 靓货鲜鱼滚出嚟嘅粥，令人估唔到喺佐敦都食到荔湾风情，当然可能有落味精提升鲜味，但至少我食完成碗粥都唔觉口渴。焦: 如果揾一款粥配搭泥煤威士忌，可能就系佢，每一啖粥除咗鱼鲜，仲可以感受焦香同炭火嘅暗示，呢样喺「煲粥」揾唔到。葱: 「鱼鲜」、「生滚」两位主角领衔演出，连配角嘅青葱都搏命抢镜，为风味饱满嘅粥加入清爽嘅气息，形成三方鼎立嘅局面。两次经验中发现，如果你有同行朋友或伴侣一齐食，你好似我咁食完有两款或多款配料嘅粥，再试单一配料嘅粥，会发现风味嘅层次真系会有啲远，想试吓佢最有表现力嘅味道，嗌多样𩠌更称心。新兴栈嘅粥十分出色，可以一试再试，当然小店关系，比较注重卫生和环境迫夹问题嘅朋友要适应吓。嚟紧都会写更多嘅食评，希望大
两次堂食，分别试咗鱼云粥、鱼咀粥、鱼腩鱼卜粥同鱼腩及第粥，价钱比一般粥店贵，但份量同配菜都绝唔马虎，啖啖肉咁济。半开放式嘅厨房见到非常粗犷嘅布置，好似大排档咁镬气滚粥，可谓罕见，的确堆满期望值。总结一下佢畀我嘅感受。
鲜: 靓货鲜鱼滚出嚟嘅粥，令人估唔到喺佐敦都食到荔湾风情，当然可能有落味精提升鲜味，但至少我食完成碗粥都唔觉口渴。
焦: 如果揾一款粥配搭泥煤威士忌，可能就系佢，每一啖粥除咗鱼鲜，仲可以感受焦香同炭火嘅暗示，呢样喺「煲粥」揾唔到。
葱: 「鱼鲜」、「生滚」两位主角领衔演出，连配角嘅青葱都搏命抢镜，为风味饱满嘅粥加入清爽嘅气息，形成三方鼎立嘅局面。
两次经验中发现，如果你有同行朋友或伴侣一齐食，你好似我咁食完有两款或多款配料嘅粥，再试单一配料嘅粥，会发现风味嘅层次真系会有啲远，想试吓佢最有表现力嘅味道，嗌多样𩠌更称心。
新兴栈嘅粥十分出色，可以一试再试，当然小店关系，比较注重卫生和环境迫夹问题嘅朋友要适应吓。
嚟紧都会写更多嘅食评，希望大家睇完follow我哋啦。
张贴
