影片
更多
2019-10-26
1412 浏览
秋天为大家带黎火锅，天气开始转凉，当然第一时间带埋两个闺密去我最爱既熊本牛涮锅大快朵颐！今次已经系我第三次黎帮衬熊本，之前两次都非常满意，隔一排再黎食，整体水准keep住，更有意外惊喜！首先讲下整体环境，熊本所在位置静中带旺，交通方便之余，入口附近人流唔算太多，唔使怕要逼一大轮先上到去。上到餐厅，店面唔算太大，不过座位都算舒适，我地好好彩被安排坐系房仔入面，一边食野一边吱吱喳喳，都唔怕嘈亲隔离！身为一只食肉兽，当然先讲重头戏牛肉，今次我地拣左呢个package既精华系美国安格斯极级牛小排，肉质鲜嫩、色泽红润、雪花均匀、入口即溶，食晒仲可以再添加，100分！另外两种肉分别系牛肩肉同加拿大豚肉，牛肩肉够咬口，肉味都浓，都有80分。汤底我地拣左萝卜豚骨汤底，贪佢够清甜，可以试真Ｄ牛肉味。意外惊喜就系呢度既炸单骨鸡翼，新鲜出炉热辣辣，炸得金黄香脆，味道激似上校叔叔既炸鸡翼，后尾见到个兜无晒，老细见我地咁捧场仲特登叫厨房即刻再炸，拎埋俾我地食，我谂我地前前后后加埋食左不下二十只，无得倾，又系100分！熊本既蔬菜，丸类选择都唔错，一众大路选择都应有尽有，蔬菜都够新鲜。我最欣赏呢度既墨鱼滑，好滑好弹
首先讲下整体环境，熊本所在位置静中带旺，交通方便之余，入口附近人流唔算太多，唔使怕要逼一大轮先上到去。上到餐厅，店面唔算太大，不过座位都算舒适，我地好好彩被安排坐系房仔入面，一边食野一边吱吱喳喳，都唔怕嘈亲隔离！
身为一只食肉兽，当然先讲重头戏牛肉，今次我地拣左呢个package既精华系美国安格斯极级牛小排，肉质鲜嫩、色泽红润、雪花均匀、入口即溶，食晒仲可以再添加，100分！另外两种肉分别系牛肩肉同加拿大豚肉，牛肩肉够咬口，肉味都浓，都有80分。汤底我地拣左萝卜豚骨汤底，贪佢够清甜，可以试真Ｄ牛肉味。
意外惊喜就系呢度既炸单骨鸡翼，新鲜出炉热辣辣，炸得金黄香脆，味道激似上校叔叔既炸鸡翼，后尾见到个兜无晒，老细见我地咁捧场仲特登叫厨房即刻再炸，拎埋俾我地食，我谂我地前前后后加埋食左不下二十只，无得倾，又系100分！
熊本既蔬菜，丸类选择都唔错，一众大路选择都应有尽有，蔬菜都够新鲜。我最欣赏呢度既墨鱼滑，好滑好弹牙。饮品选择都好多，朋友中意饮啤酒、汽水、果汁，我就拣左夏枯草同鸡骨草，打边炉当然要饮凉茶下下火，呢度既凉茶饮落唔算好甜，系诚意之作。
最后食埋Dreyers雪糕我地就打道回府，大家都非常满意，下次黎会试下佢地既A4黑毛和牛放题，期待～～
张贴
