大吉居酒屋 (已結業)

今日喺中环做完野，去揾朋友食饭，去左以前一齐去过既大吉谂住食放题，去到发现原来餐厅已经转型成居酒屋，单点食物并非放题，既然嚟到当然要试下啦。首先要左个软壳蟹沙律，先讲份量，足足有4件软壳蟹咁多，而且每件都好大件，够哂足料。而味道方面，炸得十分香脆，但又唔会好干，加埋下面既沙律菜一齐食就冇咁热气。然后就到店员推介既秋刀鱼刺身，首先貌相已经好吸引。加上秋天系秋刀鱼最盛产既季节，所以味道真系宁舍鲜甜，少少腥味都冇，真系必试！由于系时令鱼，menu系冇咖，唔系成日有得食，记得要趁秋天完结前嚟食最肥美既秋刀鱼。食完鱼同蟹，点少得虾呢！我地要左份牛油烧大虾。虾肉够哂弹牙，而且牛油味劲香劲香，吮埋虾头既虾膏，一级棒！食日本野点少得寿司。今次要左个辣吞拿鱼卷，吞拿鱼经辣汁调味，加上脆卜卜既炸天妇罗碎，仲有上面既蟹子，相当有惊喜，真心好好食。而伴碟既腌姜都好爽，又唔太辣。最后店员拎左2件自家制柚子忌廉芝士蛋糕请我地食，出奇地送既甜品都好味，芝士蛋糕不嬲好漏，但加左柚子味恰到好处，变得好清新，为我地今餐画上完满句号。