醉辣鮮 (天空之城)

营业中

休息中

过咗中秋，天气凉凉地，最啱就系食蒸气锅，咁就去锦田天空之城嘅醉辣鲜。呢度可以免费泊车三个钟，唔使周围揾车位，最啱啲揸车人士。就算系锦上路搭小巴入嚟都系几分钟，所以非常之方便。我哋嗌咗$198嘅海鲜餐，海鲜有日本元贝、鲍鱼、本地生蚝、蛏子、海中虾、蚬。可以自己攞住个桶仔去拣海鲜，然后交俾职员清洗。海鲜生猛新鲜，味道好。前菜系椰子煲鸡、温泉蛋。鸡汤清甜可口，好贴心将椰子切成薄片，可以食埋充满椰香啲椰肉，一试就知冇加味精。温泉蛋蛋白嫩滑，蛋黄味浓郁，半熟流心，正👍时令蔬菜任食，蔬菜有唔同种类：青菜，菇，粟米，番薯……红枣杞子虫草花蒸鸡肉质嫩滑鲜甜，配搭养生有益嘅红枣杞子虫草花就更加锦上添花。海皇粥底有各种时蔬、海鲜，鸡嘅精华浸住啲粥非常之鲜甜，冇得输。最后仲奉上精美甜品——香芋椰汁西米露，糖水甜度啱啱好，充满椰汁香味。我地再加购饮品～秋意浓浓，啱就快啲约埋家人朋友一齐去啦。