影片
更多
2018-11-14
672 浏览
有人话秋天有一阵特别嘅气味，我就话呢阵一定系煲仔饭嘅气味！秋风起，除咗食蛇就系非煲仔饭莫属！而且两者我更爱煲仔饭嘅感觉，香喷喷，暖笠笠～是日就黎到屯门置乐附近一间新开嘅店，带点日式居酒屋嘅格调。座位都系比较似CAFE咁随意，而一边BAR枱就放咗海量的酒，三五知己就可以埋黎摸下酒杯底～手工啤酒呢度都有唔同嘅特色手工啤，我地拣咗云南呢款，用云南普洱酿造，淡淡地易入口，但唔算好大阵茶味，唔系饮开酒嘅人都可以试试～野莓蝶豆花梳打蝶豆花冇特别味道，不过蓝色够吸引眼球同埋有护眼攻效，整体酸酸咪咪都几开胃～粟米沙律粟米中间一开四，食嘅时候就方便好多，上面铺满芝士碎，食落香甜又极重芝味！芝士控一定钟意，食到中段觉得滞可以加啲青柠汁吊一吊味，同埋佢细细条咁一唔觉意都食咗好多条～仲有多个头盘系巴马火腿配露荀，依然系超级多嘅芝士，呢只火腿本身唔算太咸，配返清爽嘅露荀都几夹！白鳝煲仔饭白鳝肥美肉厚，油香渗晒落个饭度，白鳝同饭嘅比例系一比一架！基本上每一啖饭都可以送一旧鳝，啲饭捞一捞就非常均匀地上晒色，一啖入面有晒鳝 葱花 蛋 同饭嘅美味！煲仔饭嘅重点系饭焦！㶶㶶地咁先正！！免治鸡肉棒将蛋黄同蛋白打匀，直接将鸡
是日就黎到屯门置乐附近一间新开嘅店，带点日式居酒屋嘅格调。
座位都系比较似CAFE咁随意，而一边BAR枱就放咗海量的酒，三五知己就可以埋黎摸下酒杯底～
手工啤酒
呢度都有唔同嘅特色手工啤，我地拣咗云南呢款，用云南普洱酿造，淡淡地易入口，但唔算好大阵茶味，唔系饮开酒嘅人都可以试试～
野莓蝶豆花梳打
蝶豆花冇特别味道，不过蓝色够吸引眼球同埋有护眼攻效，整体酸酸咪咪都几开胃～
粟米沙律
粟米中间一开四，食嘅时候就方便好多，上面铺满芝士碎，食落香甜又极重芝味！芝士控一定钟意，食到中段觉得滞可以加啲青柠汁吊一吊味，同埋佢细细条咁一唔觉意都食咗好多条～
仲有多个头盘系巴马火腿配露荀，依然系超级多嘅芝士，呢只火腿本身唔算太咸，配返清爽嘅露荀都几夹！
白鳝煲仔饭
白鳝肥美肉厚，油香渗晒落个饭度，白鳝同饭嘅比例系一比一架！
基本上每一啖饭都可以送一旧鳝，啲饭捞一捞就非常均匀地上晒色，一啖入面有晒鳝 葱花 蛋 同饭嘅美味！
煲仔饭嘅重点系饭焦！㶶㶶地咁先正！！
免治鸡肉棒
将蛋黄同蛋白打匀，直接将鸡块沾上蛋汁就食得，鸡块嘅口感似日式串烧经常食到嘅烧鸡件，即系鸡肉之中仲有少少软骨个种，连蛋汁一齐食都唔错，我第一次食觉得几新奇～
串烧（牛粒、牛舌、大虾）
最后就以串烧作结，牛粒刚好系一口牛份量，熟度恰到好处，食落保留到肉汁又唔会过韧。牛舌薄薄一块，但都几有牛味，烧得几香口。大虾名符其实好大一只，最钟意啜虾头入面啲汁，个度先系精华！！
成餐饭都食得好开心，因为环境太令人relax啦，见到有唔少人都好似我地咁收工过黎饮两杯食下野咁，有时间嘅都会再黎叹下～
张贴
