影片
更多
2017-10-18
93 浏览
香港系美食天堂，各式各样既食物都食到，而日本菜算系最受欢迎既菜色之一。荔枝角对于我黎讲唔多就脚，平时都好少去，但系既然朋友介绍我试呢间位于D2 Place 既「鮨芸馆」，就算远D都无咩所谓啦。「鮨芸馆」读「纸艺馆」，设计别出心裁，以「鮨芸」配上「纸艺」，装潢上运用既灯、墙、以至餐纸都融入日系纸艺风格，打造一个艺术化日本料理店！门面同装潢都相当精致，店面半开放式设计令客人感觉阔落舒适，好有日式既感觉，除左有普通座位之外，仲可以拣吧枱同塌塌米添。餐牌上有各式各样既食物，好似刺身，寿司，卷物，烧物，扬物，串烧，煮物同食事等等，最特别既系迷你版既流水面，系香港真系唔多地方可以食到。依加正正系秋刀鱼时令季节，鱼肉特别肥美多子，鮨芸馆就系呢个时候出左一系列既秋刀鱼菜式，我地又点可以唔试下呢?秋刀鱼刺身 : 逐片逐片切出黎既秋刀鱼刺身，连埋原条鱼送上，加埋其他配料伴碟，卖相相当吸引，味道唔单止鲜甜，仲好肥美添。店员仲教我地要夹住葱花同姜黎食，咁就可以消除鱼腥味。秋刀鱼寿司 : 秋刀鱼鱼皮呈银色而且反光，睇得出非常新鲜，鱼肉中既细骨被厨师细心咁彻底挑起，入口除左有弹性之外，仲满满油香添。秋刀鱼丼跟味噌
荔枝角对于我黎讲唔多就脚，平时都好少去，但系既然朋友介绍我试呢间位于D2 Place 既「鮨芸馆」，就算远D都无咩所谓啦。
「鮨芸馆」读「纸艺馆」，设计别出心裁，以「鮨芸」配上「纸艺」，装潢上运用既灯、墙、以至餐纸都融入日系纸艺风格，打造一个艺术化日本料理店！
门面同装潢都相当精致，店面半开放式设计令客人感觉阔落舒适，好有日式既感觉，除左有普通座位之外，仲可以拣吧枱同塌塌米添。
餐牌上有各式各样既食物，好似刺身，寿司，卷物，烧物，扬物，串烧，煮物同食事等等，最特别既系迷你版既流水面，系香港真系唔多地方可以食到。
依加正正系秋刀鱼时令季节，鱼肉特别肥美多子，鮨芸馆就系呢个时候出左一系列既秋刀鱼菜式，我地又点可以唔试下呢?
秋刀鱼刺身 :
逐片逐片切出黎既秋刀鱼刺身，连埋原条鱼送上，加埋其他配料伴碟，卖相相当吸引，味道唔单止鲜甜，仲好肥美添。店员仲教我地要夹住葱花同姜黎食，咁就可以消除鱼腥味。
秋刀鱼寿司 :
秋刀鱼鱼皮呈银色而且反光，睇得出非常新鲜，鱼肉中既细骨被厨师细心咁彻底挑起，入口除左有弹性之外，仲满满油香添。
秋刀鱼丼跟味噌汤 :
饭面铺满秋刀鱼刺身，伴以姜末及葱花，食落感觉比秋刀鱼寿司更刺激，除左秋刀鱼既鲜甜外，姜末亦带来轻微辣味，而伴碗既玉子烧亦煎得香甜松软，配埋秋刀鱼饭食味道好夹。
至于附送既面豉汤，虽然迷你，但系味道相当唔错。
汁烧紫苏秋刀鱼:
紫苏叶平时都无几多机会食到，秋刀鱼用紫苏叶包住卷成卷状，再用日式照烧汁慢火烧，紫苏叶将秋刀鱼的腥味除去，亦令秋刀鱼更鲜甜，慢火烧之下鱼肉外脆内软，仲保留返肉汁，系食完刺身后食又有另一番风味。
盐烧秋刀鱼:
外皮烧至香脆既盐烧秋刀鱼，肥而不腻鱼既肉同脂肪分配均匀，食既时候加上几滴新鲜柠檬汁，令到鱼既鲜味更加出。系海水既咸味衬托下加上秋刀鱼既鲜味，足以提升成道菜既层次。
味噌煮秋刀鱼:
卖相非常精致，秋刀鱼用日本味噌煮成，鱼肉爽滑，味噌既味道渗入鱼肉内，令秋刀鱼更鲜甜，而味噌亦可以带出秋刀鱼油香味，令秋刀鱼味道更有层次。
黑豚生姜烧配饭:
相比起其他菜式，呢个饭份量真系相当多，黑豚肉切成薄片，咬落去肉质软弹，肥瘦适中，吸收晒酱汁同生姜既精华后，入口甜得黎仲带少少姜味，一D都唔干，送饭一流。
流水彩虹素面:
平时睇旅游节目，次次见到主持人食呢个流水冷面都好羡慕，今次终于有机会试了。
微型流水冷面机装满冰水，上面再放彩虹素面同紫菜丝，开机后将一小注面放入冰水度，就会不停咁循环转，转两个圈后，筷子放在流水机挡著面既流动，就可以好轻易夹起，放入加左芝麻，紫菜同葱粒既冷面汁度。
面条入口非常柔软，加埋冰冻既冷面汁，入口清凉得黎仲好开胃添。
不过要提醒大家店内流水机既存货量唔多，如果想食既话一定要事前预订呀!
蜜桃青柠梳打:
食完饭后想再坐多阵，所以都叫左杯特饮。系众多既选择下拣左蜜桃青柠梳打，入口有轻轻既蜜桃同青柠味，甜度适中，加埋杯底既生果粒相当有口感。
呢度食材新鲜，环境又好，食得又玩得，有机会一定要再黎过呀。
张贴
