永利威酒業有限公司

营业中

休息中

又到咗食大闸蟹嘅季节，为食猪都凑下热闹买返几只蒸嚟食。为食猪经团购买咗3两至3两半太湖嘅小蟹小试牛刀，每只都只系二十几蚊，好抵食。选购时店员会督吓个蟹壳俾为食猪睇只蟹嘅眼仔仲识郁，确保系生蟹先会卖。蟹仔拎到返屋企仲郁郁下呕紧泡。店家会俾张蒸蟹攻略，就算生手如为食猪都可以自己蒸出靓蟹。刷干净蟹仔，用紫苏叶铺底，蟹盖向下蒸15分钟就食得喇!睇吓啲黄油已经走咗出嚟招唤为食猪食佢喇。为食猪买嘅系蟹公，虽然蟹仔细细，蟹黄份量绝不欺场。蟹膏鲜甜，馥郁嘅香气喺口腔弥漫，令为食猪回味无穷。作为大配角嘅蟹肉亦唔差，肉质弹牙，甚有鲜甜蟹味。多得呢4只蟹仔，两只为食猪享受住拆蟹嘅乐趣，渡过咗个悠闲下午。