影片
更多
2016-10-01
406 浏览
人地话「秋风起，三蛇肥」，但我本身就唔食蛇，今晚天气已经转凉，秋意起，想暖身最好当然同朋友打个边炉啦~ 今晚又走左入黎九龙城，见前两日买串烧经开上品火锅料理好似环境唔错，开得夜又有啲优惠，反正未食过，食下无妨。望住menu汤底种类都几多，钟情蕃茄既我地拣左蕃茄薯仔牛粒汤，估唔到都几好饮，比一般火锅既蕃茄汤底浓郁，就好似饮紧西餐厅蕃茄牛尾汤，牛肉粒冇滚到糊糊烂烂，而且牛味重，仲有大量草菇，薯仔，洋葱煮，未点𩠌已经大把汤料食😂唔怪得个汤点滚仲咁重蕃茄味。上品打边炉有样好处，就系好多种类加5至10蚊就可以变双拼，最岩我呢啲想有咁多试咁多既人叫。原本想食芝心凤尾虾，点知卖哂😭唯有选择其他，芝士爽虾丸同流沙汁酿墨鱼丸，两款丸都值得一赞。虾丸，墨鱼丸弹牙不在话下，虾丸芝士味浓郁，而且只系咬左一小口非常澎湃流出。至于流沙汁酿墨鱼丸更为邪恶，金黄咸香蛋黄源源不绝涌出，成粒墨鱼丸由雪白变得黄澄澄。打边炉无牛不欢，一定要叫番一碟先系打边炉，要食到咁多款牛，唔叫牛肉拼盘点得😏牛柳粒油花不绝，肥牛虽然叫肥牛，但一啲都唔肥腻，脂肪分布非常平均，安格斯牛肉入口即溶，牛有嚼劲，手切牛肉最浓牛肉鲜味，牛胸尖爽口，真
今晚又走左入黎九龙城，见前两日买串烧经开上品火锅料理好似环境唔错，开得夜又有啲优惠，反正未食过，食下无妨。
望住menu汤底种类都几多，钟情蕃茄既我地拣左蕃茄薯仔牛粒汤，估唔到都几好饮，比一般火锅既蕃茄汤底浓郁，就好似饮紧西餐厅蕃茄牛尾汤，牛肉粒冇滚到糊糊烂烂，而且牛味重，仲有大量草菇，薯仔，洋葱煮，未点𩠌已经大把汤料食😂唔怪得个汤点滚仲咁重蕃茄味。
上品打边炉有样好处，就系好多种类加5至10蚊就可以变双拼，最岩我呢啲想有咁多试咁多既人叫。原本想食芝心凤尾虾，点知卖哂😭唯有选择其他，芝士爽虾丸同流沙汁酿墨鱼丸，两款丸都值得一赞。
虾丸，墨鱼丸弹牙不在话下，虾丸芝士味浓郁，而且只系咬左一小口非常澎湃流出。至于流沙汁酿墨鱼丸更为邪恶，金黄咸香蛋黄源源不绝涌出，成粒墨鱼丸由雪白变得黄澄澄。
打边炉无牛不欢，一定要叫番一碟先系打边炉，要食到咁多款牛，唔叫牛肉拼盘点得😏
牛柳粒油花不绝，肥牛虽然叫肥牛，但一啲都唔肥腻，脂肪分布非常平均，安格斯牛肉入口即溶，牛有嚼劲，手切牛肉最浓牛肉鲜味，牛胸尖爽口，真系好难拣边款牛最好味。
打边炉总会叫啲好索汤底既配料，蜂巢冰豆腐拼四川薯粉绝对唔少得。豆腐尽得蕃茄汤「真传」，完完全全变成一件蕃茄味既豆腐。薯粉非常滑，不过滚薯粉时注意最好用汤勺装住滚，因为好易滚滚下唔见左，揾唔番啲薯粉😫开头我就系咁😭
三文鱼刺身加39蚊就有8块，非常抵食，而且冇雪味几新鲜👍
北海道大元贝刺身晶莹雪白，而且肉够厚身鲜甜，呢个刺身几岩钟意食海鲜既我叫。
唔可以斋做食肉兽，都要叫番碟唐生菜均衡饮食一下，菜份量都几多。
打边炉都要下下火，竹蔗茅根就最岩。
张贴
