丁丁烤魚 (已結業)

今日有啲秋意，凉凉哋梗系去食鸡煲烤鱼。行过大埔内街，见到「丁丁烤鱼」令我谂起大学嘅回忆。点知，原来真系以前旺角东站出面𠮶间「汀汀烤活鱼」，同一个老细只系想改个名🤩🤩即刻冲入去食🤭一入到餐厅，姐姐就送左个小食比我地，系凉拌云耳，酸酸甜甜好开胃。我哋即刻叫咗一个香辣招牌江团鱼锅🐟烤鱼系即叫即烤，所以鱼皮上枱时仲系好脆身。呢只鱼得一条大骨，仲好厚肉，每一啖都可以啖啖肉真系好开心。鱼肉滚得耐都唔会影响口感，惹味又鲜味。烤鱼入面嘅配菜种类好多，有金菇、芽菜、豆卜等等都系好索汁，个汤底系好正，所以真系好满足🤗🤗当然，食完条鱼就可以落汤开始打边炉，火锅配料方面，选择都好多。我哋就叫咗猪皮、枝竹，继续善用个汤底😂呢度仲可以一边打边炉，入边食串烧。超级推介佢哋嘅烧羊架，好厚肉，羊肉味好浓郁，烧得啱啱好保持到啲肉汁😘记住叫埋手打香水柠檬茶，超大杯‼️好清新好fresh，解辣一流👍🏻