影片
更多
2022-09-08
36 浏览
剛已立秋，晚間開始有漸漸秋風，突然間打邊爐癮起，即約個Friend烚吓烚吓。朋友推薦「狂野麻神麻辣火鍋」，位於北京道誠大廈2樓，對住isquare，位置超方便。狂野海鮮二人餐有5款湯底可供選擇，單點或雙拼湯底（不另收費），或另加$288點經典花膠雞湯（跟鮮雞半隻）。最後選擇了麻神麻辣湯同冬瓜瑤柱湯 ，一個辣一個清甜湯底。「 麻神麻辣湯」 職員介紹呢個湯底係用生果、蔬菜、辣椒、藥材、花椒、八角、自家辣椒醬等材料熬煮3小時，湯底風味跟台灣一樣，先麻後帶點順喉嘅辣及微甜，不會死辣亦不會太嗆喉，只有一個辣度而且是可直接飲用既麻辣湯，味道十分出色。「冬瓜瑤柱湯」清甜，湯料十足，呢個湯底烚海鮮同蔬菜相當合適。套餐配料有「牛肉盛 —包括牛頸肩、 牛胸爽、 牛筋膜、一口牛同封門柳」牛頸肩油脂分佈平均，輕輕一灼即可進食，入口即溶。牛胸爽口感爽脆，味帶奶香味。牛筋膜職員建議煮45分鐘，煮後不鞋口而且質素嫩滑。一口牛一口一粒，有嚼勁。封門柳牛肉味香濃，肉質柔嫩，肉汁豐富。海鮮方面有「日本元貝、大連鮑魚、 基圍海蝦、2款時令海鮮」，今次就有卜卜蜆同花甲。基圍海蝦新鮮蝦肉彈牙，鮑魚爽脆，日本元貝、卜卜蜆同花甲鮮
狂野海鮮二人餐
有5款湯底可供選擇，單點或雙拼湯底（不另收費），或另加$288點經典花膠雞湯（跟鮮雞半隻）。
最後選擇了麻神麻辣湯同冬瓜瑤柱湯 ，一個辣一個清甜湯底。
「 麻神麻辣湯」 職員介紹呢個湯底係用生果、蔬菜、辣椒、藥材、花椒、八角、自家辣椒醬等材料熬煮3小時，湯底風味跟台灣一樣，先麻後帶點順喉嘅辣及微甜，不會死辣亦不會太嗆喉，只有一個辣度而且是可直接飲用既麻辣湯，味道十分出色。
「冬瓜瑤柱湯」清甜，湯料十足，呢個湯底烚海鮮同蔬菜相當合適。
套餐配料有「牛肉盛 —包括牛頸肩、 牛胸爽、 牛筋膜、一口牛同封門柳」
牛頸肩油脂分佈平均，輕輕一灼即可進食，入口即溶。牛胸爽口感爽脆，味帶奶香味。牛筋膜職員建議煮45分鐘，煮後不鞋口而且質素嫩滑。一口牛一口一粒，有嚼勁。封門柳牛肉味香濃，肉質柔嫩，肉汁豐富。
海鮮方面有「日本元貝、大連鮑魚、 基圍海蝦、2款時令海鮮」，今次就有卜卜蜆同花甲。基圍海蝦新鮮蝦肉彈牙，鮑魚爽脆，日本元貝、卜卜蜆同花甲鮮甜。
「果凍鴨血」「千層豆腐」係麻辣湯底最好拍檔，果凍鴨血夠Q彈滑溜，千層豆腐浸透了麻辣湯精華，有豆香又惹味。
「七色菜籃」有娃娃菜、生菜、蕃茄、南瓜、粟米、冬菇同金菇，份量剛好亦好新鮮。
「自家手打貢丸」外型打造成花形，有豬肉、木耳、冬菇，冬菇味好出，豬肉帶甜香，很不錯。
「水晶寬粉」 煮透過後嘅水晶寬粉透亮晶，質地煙韌，而且非常掛湯，有驚喜，值得一試。
另外咗水果茶，裡面有菠蘿、 火龍果 、荔枝、西瓜、藍莓，水果豐富，香甜又解渴，大滿足！
张贴
