京林屋 (已搬遷) 新店位置

除咗抹茶甜品, 京林屋都有焙茶甜品供应, 既然未试过, 择日相约好姊妹一试.秋日有一张特别餐牌, 见到有甘栗焙茶芭菲. 甘栗焙茶芭菲由上层开始数有甘栗、焙茶雪糕、忌廉、焙茶啫喱、红豆蓉、脆米、栗子蓉、再忌廉、白桃、再焙茶啫喱. 一层层食落去, 有唔同质感味道. 焙茶雪糕比抹茶雪糕淡味, 如果唔喜欢抹茶的话可以有多一个选择. 红豆蓉栗子蓉好甜, 配上淡味焙茶啫喱可以中和番. 佢基本上配搭都系一层甜一层淡.食完甘栗焙茶芭菲, 意犹未尽, 再叫多个抹茶半月布丁. 布丁口感好绵密, 略带甜味, 少少份量食完都会觉得好饱肚.充电后又可以再去血拼一番.