影片
更多
2021-11-22
1850 浏览
呢排天气非常之好，凉凉哋，湿度低，中午晒得嚟唔热，一喺行山，一喺出车，老友约我踩番转，由太和沿吐露港公路铲到去大围，再兜另一边由大涌桥路上返到去，轻松踩。尾程，专登晌科学园食个早鸟下午茶，抖抖之余，更享受吓秋日暖阳。故此，是日就嚟咗科学园三期呢边嘅「Hunky Dory」，贪佢属平台层，有片大草地。 餐厅环境非常写意，采半开放式设计，对出有几张高脚枱櫈，可惜已有客，未能尽享「户外」风情。不过，我哋被安排最外一排圆枱，感觉亦非常正，加上阳光普照，感觉明媚。 至于餐厅嘅其余环境，装修都好有格调，可见都花咗啲心思，就算睇唔到户外景，坐落都蛮舒服。如果夜晚到访，相信都颇有气氛。 呢度喺以数码方式落单，扫一扫二维码，再自行拣食物、饮品。 而入口处都有贴出餐牌，不过，字就细粒啲，都唔方便慢慢睇，纯粹贴出嚟俾啲客睇睇餐厅有啲咩菜式供应。 爱尔兰健力士牛肉批 $138多年前去澳洲，到访一啲小镇，食过一个得奖嘅牛肉批，都几难忘。本来嚟到都喺谂住「迤」吓，但见到呢一个牛肉批，又真喺想试试。跟澳洲食𠮶种干身嘅唔同，呢一款喺炖牛肉，再加上一层酥皮焗香去。面层嘅酥皮好香脆，而里面唔只有牛肉，仲有啲鲜蘑菇同新薯，
餐厅环境非常写意，采半开放式设计，对出有几张高脚枱櫈，可惜已有客，未能尽享「户外」风情。不过，我哋被安排最外一排圆枱，感觉亦非常正，加上阳光普照，感觉明媚。
至于餐厅嘅其余环境，装修都好有格调，可见都花咗啲心思，就算睇唔到户外景，坐落都蛮舒服。如果夜晚到访，相信都颇有气氛。
呢度喺以数码方式落单，扫一扫二维码，再自行拣食物、饮品。
而入口处都有贴出餐牌，不过，字就细粒啲，都唔方便慢慢睇，纯粹贴出嚟俾啲客睇睇餐厅有啲咩菜式供应。
爱尔兰健力士牛肉批 $138多年前去澳洲，到访一啲小镇，食过一个得奖嘅牛肉批，都几难忘。本来嚟到都喺谂住「迤」吓，但见到呢一个牛肉批，又真喺想试试。跟澳洲食𠮶种干身嘅唔同，呢一款喺炖牛肉，再加上一层酥皮焗香去。面层嘅酥皮好香脆，而里面唔只有牛肉，仲有啲鲜蘑菇同新薯，牛肉非常入味，口感松化，且带有一阵阵嘅啤酒香，感觉几得意。
爱尔兰健力士牛肉批
$138
43 浏览
0 赞好
0 留言
特浓咖啡芝士蛋糕 $48一向都几钟意食芝士蛋糕，衬杯鲜奶咖啡更喺一种享受。件芝士蛋糕卖相唔错，唧上忌廉花、朱古力浆，再加啲杂莓做点缀。打横一睇，消化饼做嘅饼底，近底薄薄一层咖啡软浆，再上喺咖啡芝士，而讲到味道，真喺做得有水准，咖啡味颇为香浓，嗒落再渗出芝士嘅咸香味，口感挺实，却带微微湿润，所以，入口唔会「干峥峥」。
自家制苹果批 $58唔怪得喺招牌作，真喺卖相都已经好抢眼，大大个嘅苹果批，除了一大球云呢拿雪糕之外，仲淋上好多焦糖浆，完全合晒小弟口味。虽然喺配普通嘅云呢拿雪糕，但个雪糕绝对唔普通，睇得见雪糕嘅一点点细微黑点，就个喺以云呢拿籽做，味道天然；而批壳好脆口，富牛油香，苹果肉好清甜，更渗有微微肉桂香，而且，啲果肉都喺刨成薄片，都喺一番心机嚟。暖暖嘅苹果批，衬以冰凉嘅雪糕，实在美妙。
自家制苹果批
$58
32 浏览
0 赞好
0 留言
Mango Dream $52老友就想揾啲清爽嘅饮品，所以，推荐佢试试呢一款沙冰，无咩「花臣」嘢，只喺如一般沙冰咁，但绝对喺交足货嘅出品。老友话唔单喺芒果味超突出，浓郁而香甜，其质感细滑，打到近乎饮唔到啲碎冰粒。
Caramel Latte $42食甜品，小弟就梗喺拣鲜奶咖啡啦，其实，都预咗晌呢度饮会唔及啲咖啡店，但实际上又唔错㖞，拉花都算喺咁，虽然花纹未叫好细致，面层都起咗少少泡，不过，至少形状都出到嚟，咖啡嘅香味都好醇和，带少少果仁香气。
虽然我哋唔喺嗌好多嘢，但都坐咗个几钟，皆因环境真喺好舒服，尤其今日嘅天气。此外，招呼亦都好好，食完个牛肉批，之后上甜品时，唔止餐碟，喺成套餐具换过晒，店员亦好有礼貌，值得再嚟帮衬。
张贴
