香香宮煮 (金輝大廈)

营业中

休息中

🥢火锅汤底～ 雍穆公主•花胶鸡汤锅！系餐厅嘅招牌汤底之一，满满胶质嘅鸡汤底，有好多厚身花胶，另外仲有半份三黄鸡，鸡肉超嫩滑香口。🐮主食～ 艾莎公主 •牛肉宝盒！打开木盒，干冰嘅冻烟令人充满期待，靓之余仲可以保存肉质鲜嫩！有七款唔同嘅牛肉，包括顶级雪花肥牛、手切牛崩沙、手切本地牛肉、新鲜牛展、牛肉粒、牛舌仲有好特别嘅牛黄喉。🐷伊比利亚橡果猪难得猪肉片都见到有咁细致嘅油花，肥瘦均匀，肉质自带甜味，入口先系汤底味，之后就有猪肉肉汁渗透，非常油润嘅口感。👑香香宫煮响铃拼盘即叫即整嘅响铃拼盘有两款口味，非常松脆，入口有层次，我最钟意咸蛋黄响铃，热辣辣加上咸蛋黄香气，颜色金黄，咸香松脆，食唔停口。🦀手打蟹籽虾丸真材实料，虾丸咬开见到雪白嘅鲜虾，弹牙又爽脆鲜甜。🦐前菜小食～ 陈年花雕醉海虾，本身好钟意花雕嘅香气，同海虾非常夹，特别系花雕令虾嘅鲜味同甜味更出，而且冻食令虾肉更弹牙。🎍饮品方面～ 唔想饮酒精饮品，一定要试吓自家制竹蔗茅根，以复古陶瓷壶承载，非常保温，饮到最后都keep到好冰冻清甜。