18樓雞煲火鍋專門店

营业中

休息中

秋风起了，开始有啲凉意，于是乎同frd去左食鸡煲。openrice一search鸡煲既第一间就系18楼鸡煲！以前食过果啲都执左了，一于就食下间新既！我地闲日七点去到，都大部份位full左，好彩岩岩去到仲有枱！枱面宽阔，卫生不错。由于我地只想食鸡煲，所以打边炉个餐只系叫左最平个牛肉餐，但大部份边炉有既配料都应有尽有！鸡煲方面只鸡好滑，个酱汁味道岩岩好，另外都有啲香料加左入去，唔会得个咸字。食到咁上下就可以加汤入去喇，跟住我地就系出面拎左啲菜加入去，啲蔬菜可以拎，亦可以叫，都好新鲜，钟意食蔬菜既人实会钟意！肉类方面，啲肥牛同猪肉肉味够，肉质不错。饮品方面，有好多种类，例如减肥既coke plus，一啲冷泡茶（冬瓜茶、桂花乌龙），啲冷泡茶都好高水准，值得一试最尾紧系食返个frozen yogurt埋尾啦🥰超级好味。服务方面都好周到，上菜快，收碗碟都快。总结一人$200左右既鸡煲放题，做到佢应有既水平有余，性价比高，冬天可再食。