牛一 (元朗廣場) (已結業)

入夜后天气转凉左，个心就即刻想打边炉，暖暖个人。见牛一无乜人排队，就入去过下边炉瘾同做牛魔王😈见到餐牌澳洲M6-M7和牛套餐做紧特价，本身368蚊减到288蚊，食足100分钟，咁梗系食佢啦。今次拣左个蕃茄豚骨汤，个汤底红红地蕃茄味道就唔系几够，不过唔紧要，外面自助区有成盘新鲜角切蕃茄，即刻加返几个来增味！个套餐有7款肉类任食，有5款牛，1款鸡同1款猪，咁来得做牛魔王梗系专食牛啦！呢只美国见岛和牛牛味够，又有口感，切得够簿唔会咬到好辛苦，唔错！咁套餐主打澳洲M6-7和牛，当然唔叫唔得，谂住任食质素会好麻麻，估唔到油香味够，肉质又滑，大大块得嚟咬几啖都食完，真系超出预期。另外2款都系美国牛，1个系美国Prime肩胛肋眼，1款系美国特选榖饲牛，前者肉味浓不过口感有啲柴，后者就又柴又唔够肉味，所以都系主力食返和牛！咁食牛之余都要食下菜，自助区啲菜种类都几多，有5,6种，仲靓靓仔仔，块块都又大又完整，真系有啲意外。今次食足到最后一分钟先走，抱住成肚牛咁走真系幸福。