湯•米 (已結業)

踏入秋季，天气凉凉地，最好就系去食火锅。今晚同朋友拣咗「汤·米」去食晚餐。一行二人，晚上6点开门即刻入去，唔使等位！但之后唔使一阵，第一轮就坐满晒食客，真系好夸张。一共有9款锅物可供选择。自助配料架，可按自己喜好去「混酱」。1. 药膳豚肉锅，跟粉丝。锅内除左豚肉外，仲有好多蔬菜同菇类，加上虫草花，红枣杞子，最啱女士食用同补下身2. 酸菜鱼锅，内有大大件鱼腩，仲有好多配菜。入口有少少辣，但食落全身都暖晒，好适合秋冬季节嚟食。3. 肥牛同娃娃菜系额外加的，肥牛份量厚薄适中，同两款锅底都好配合。4. 花枝丸好大粒，入口弹牙，粒粒都有花枝肉，好味。5. 芝士茶王8号、爆柠四季春。芝士好厚好多，茶味香浓。另外四季春配柠檬，亦十分解渴，好适合食火锅时饮用。整体而言，餐厅食品价钱优惠，选择亦多，同时饮品亦出色，值得一试再试。