影片
更多
2017-10-11
1887 浏览
我觉得咁多鸡煲之中最好食嘅系呢间，之前都食过好多次既一品鸡煲。你间鸡煲长期爆棚晚饭时间去到起码等半个钟，今次我就醒啦，预早去拎定飞然后去旺角行一阵就有得食。一对第一时间紧系鸡煲先， 今次就嗌咗半只小辣鸡煲， 配菜就带咗生菜，粟米，手切肥牛，同埋必吃炸响铃。鸡煲嚟到嘅时候仲未熟哂要煲多阵先可以食，可惜可能太忙，店员开炉后并无好似其他分店咁，过黎帮我地搅拌，以防痴底。10分钟过后只鸡就食得啦，鸡件都算大旧，啖啖肉，酱汁小小辣同麻唔会食完无哂知觉，啲酱汁最岩就捞饭食，送十碗饭都得！食完啲鸡就可以开始打边炉，今日小小上汤之后再捞埋鸡煲啲酱就成为左汤底，麻辣味加埋有啲药材味，最岩就系渌响铃，呢间餐厅嘅响铃系自己炸嘅食落去系脆卜卜既， 就算唔渌都好好食，手切肥牛有肉味又有咬口，栗米亦好甜。觉得辣嗌番杯冻柠茶、同葡萄籽，葡萄籽好似饮紧利宾立咁，30几蚊一杯大大杯可以饮成晚。总括而言， 鸡煲质素高但价钱偏贵
我觉得咁多鸡煲之中最好食嘅系呢间，之前都食过好多次既一品鸡煲。
你间鸡煲长期爆棚晚饭时间去到起码等半个钟，今次我就醒啦，预早去拎定飞然后去旺角行一阵就有得食。一对第一时间紧系鸡煲先， 今次就嗌咗半只小辣鸡煲， 配菜就带咗生菜，粟米，手切肥牛，同埋必吃炸响铃。
鸡煲嚟到嘅时候仲未熟哂要煲多阵先可以食，可惜可能太忙，店员开炉后并无好似其他分店咁，过黎帮我地搅拌，以防痴底。
10分钟过后只鸡就食得啦，鸡件都算大旧，啖啖肉，酱汁小小辣同麻唔会食完无哂知觉，啲酱汁最岩就捞饭食，送十碗饭都得！
食完啲鸡就可以开始打边炉，今日小小上汤之后再捞埋鸡煲啲酱就成为左汤底，麻辣味加埋有啲药材味，最岩就系渌响铃，呢间餐厅嘅响铃系自己炸嘅食落去系脆卜卜既， 就算唔渌都好好食，手切肥牛有肉味又有咬口，栗米亦好甜。
觉得辣嗌番杯冻柠茶、同葡萄籽，葡萄籽好似饮紧利宾立咁，30几蚊一杯大大杯可以饮成晚。
总括而言， 鸡煲质素高但价钱偏贵
张贴