農

营业中

休息中

假期 去沙田踩單車到大尾篤係一個唔錯選擇， 而途中會經過科學園， 呢度係一個好好嘅中途站可以休息同埋用餐。唔講唔知科學園裏面原來有好多餐廳， 今次就去咗科學園二期 入面嘅一間酒樓。同其他酒樓非常唔同， 裏面嘅菜式 除咗非常新穎之外， 賣相仲非常之可愛， 非常受小朋友歡迎。幻彩帶子餃，$68。 粉紅色搭配藍色嘅水餃皮， 內裏係蝦同埋帶子加上魚仔嘅配搭， 外型美觀好似一粒元寶， 味道非常鮮美可口。山寨叉燒，$168。 點菜嘅時候問一問店員先知原來山寨叉燒係牛肉， 大概七成熟， 呢味餸超好味，淡淡油香， 一定要試。同行小朋友鍾意食包， 點咗 bb雞同牛榛仔。 賣相勁可愛唔使講 ，bb雞味道同出面嘅叉燒包差唔多， 牛榛仔 就比較特別餡料係榛子朱古力醬， 小朋友非常鍾意。呢排光顧仲送乳鴿， 非常香口炸得好好味。