農

营业中

休息中

假期 去沙田踩单车到大尾笃系一个唔错选择， 而途中会经过科学园， 呢度系一个好好嘅中途站可以休息同埋用餐。唔讲唔知科学园里面原来有好多餐厅， 今次就去咗科学园二期 入面嘅一间酒楼。同其他酒楼非常唔同， 里面嘅菜式 除咗非常新颖之外， 卖相仲非常之可爱， 非常受小朋友欢迎。幻彩带子饺，$68。 粉红色搭配蓝色嘅水饺皮， 内里系虾同埋带子加上鱼仔嘅配搭， 外型美观好似一粒元宝， 味道非常鲜美可口。山寨叉烧，$168。 点菜嘅时候问一问店员先知原来山寨叉烧系牛肉， 大概七成熟， 呢味𩠌超好味，淡淡油香， 一定要试。同行小朋友钟意食包， 点咗 bb鸡同牛榛仔。 卖相劲可爱唔使讲 ，bb鸡味道同出面嘅叉烧包差唔多， 牛榛仔 就比较特别馅料系榛子朱古力酱， 小朋友非常钟意。呢排光顾仲送乳鸽， 非常香口炸得好好味。