農

营业中

休息中

呢间餐厅第三次嚟👌~中秋做节唔想逼又唔想俾人赶交台⏳️,嚟呢间最稳阵~嘢食好味,前公司要搅晚宴我都推介呢间🤗,连外国人都赞👍~前两次嚟都无食过点心,所以一早已经睇中咗呢个荔枝造型嘅🍓~佢成粒都系虾胶🦐,配埋外脆脆米粒粒~偏咸咗少少🤏,但整体又脆又弹牙,好食~仲有个蒸点心,三色虾饺好靓🥟,不过蓝色会有啲染到虾肉🎨~虾肉弹牙,层皮都好QQ~呢个气锅鸡系我最心心念念嘅🫖~虽然系好简单嘅椰子鸡汤🥥,但好香浓又甜~不过茶壶上比较烦,会有回漏,浪费咗啲汤🥲~呢个土炮雪茄第一次嚟都有食,好有心思,唔止有招纸仲有埋烟灰🚬~系脆卜卜嘅春卷包住虾肉🍤,得意造型一定男女老幼都啱~佢个蜜汁做得好好🍯,甜得嚟有少少卤水汁味,有啲香料味~而叉烧肉质都几腍,中间有个位爽爽地~其实本来想叫乳鸽,但可惜今日无,所以试下呢个沙姜懒人鸡🐔~鸡皮超级香脆,而啲肉就拆好晒,加埋青瓜捞咗沙姜味🥒~呢个烈焰菠萝炒饭又系每次必点🏆,仲近乎每台必点~上台一定要帮佢影video🎥,睇住佢烧🔥~入面系瑶柱蛋白炒饭,炒得好干爽🍚~食完饭可以挖埋底嘅肉,啲菠萝肉真系好甜🍍,汁都饮埋🙈~做节都无啲乜费物费🤑,人均二百零饱到捧住个肚🤰,性价比够晒高