八方棧

营业中

休息中

今日小朋友们同朋友仔几个家庭聚会，去左科学园，之后一起去了附近新开的酒家。餐厅位于科学园海滨附近，环境优美舒爽，特别适合一家大细。我哋点咗好多传统点心，每款都好唔错。肠粉有两款，分别系黑毛猪叉烧滑肠粉同原只韭黄鲜虾肠粉。两款都做得好出色，肠粉皮好幼薄，入边亦都好足料。小朋友好钟意食古法拉花手打马拉糕，质感好松软，而且都唔算好甜。小朋友当然都钟意食香口嘢啦，所以我哋拣咗琥珀黄金豆腐，外皮脆卜卜，入边又嫩又滑，大人都钟意食！另外我哋都叫咗啲饱肚啲嘅主食，例如鸡丝粉皮、四川担担面、银芽肉丝炒面。粉皮滑捋捋，沾满花生酱，甜甜地小朋友就啱晒啦，又有鸡丝补充蛋白质。四川担担面就留返比大人食，因为都有啲辣。银芽肉丝炒面非常脆口，好似食饼干咁，加埋啲酱汁啱啱好。