影片
更多
2021-09-27
386 浏览
星期六同朋友去咗科学园踩单车🚲，咁大运动量嘅一日就当然要食返餐饱嘅。科学园入面有唔少餐厅，我哋见「农」咁多人帮衬，就一于试吓。餐厅超高人气👏，无论室内外嘅座位都全部坐满。唔好忘记，餐厅面积其实好大，座位又多。墙画色彩缤纷，并以香港特式作为主题🇭🇰。山寨叉烧($168)，话明山寨，即系A货啦🅰️，A货原来系将烧猪肉换上烧牛肉，咁唔系仲升级咗咩？🥩烧牛肉同叉烧嘅相似度足九成，同样以蜜糖烤烧，而且亦都系半肥瘦，几可乱真。蜑家水果粟($78)，我会称佢为避风塘炒粟米🌽。粟米用上水果粟，即系比一般粟米还要甜；避风塘炒蒜粒则系辣辣的。甜味碰上辣味，完全系味觉嘅冲击。农庄包点：BB鸡($49/2只)以及牛榛仔($49/2只)，面包造型好得意😍。鸡仔系叉烧包，而牛仔嘅夹心馅系榛子朱古力酱，一咸一甜。包嘅外层唔会蒸到湿晒，质感亦够软熟。墨鱼虾饺($53)，虾饺有啲心思，饺皮混入墨汁搓，所以呈黑色的，而且仲有两只眼仔装可爱👀。虾饺大大粒，入里包住爽弹虾肉🍤。爆汁乳鸽(原价$68)，餐厅现时做紧推广🈹，凡每两位惠顾则赠送乳鸽一只，难怪每一枱人都啜紧手指。乳鸽烧得香脆多汁，呢度提供埋手套俾你落手食，咁先系最正宗
星期六同朋友去咗科学园踩单车🚲，咁大运动量嘅一日就当然要食返餐饱嘅。科学园入面有唔少餐厅，我哋见「农」咁多人帮衬，就一于试吓。
餐厅超高人气👏，无论室内外嘅座位都全部坐满。唔好忘记，餐厅面积其实好大，座位又多。墙画色彩缤纷，并以香港特式作为主题🇭🇰。
山寨叉烧($168)，话明山寨，即系A货啦🅰️，A货原来系将烧猪肉换上烧牛肉，咁唔系仲升级咗咩？🥩烧牛肉同叉烧嘅相似度足九成，同样以蜜糖烤烧，而且亦都系半肥瘦，几可乱真。
蜑家水果粟($78)，我会称佢为避风塘炒粟米🌽。粟米用上水果粟，即系比一般粟米还要甜；避风塘炒蒜粒则系辣辣的。甜味碰上辣味，完全系味觉嘅冲击。
农庄包点：BB鸡($49/2只)以及牛榛仔($49/2只)，面包造型好得意😍。鸡仔系叉烧包，而牛仔嘅夹心馅系榛子朱古力酱，一咸一甜。包嘅外层唔会蒸到湿晒，质感亦够软熟。
墨鱼虾饺($53)，虾饺有啲心思，饺皮混入墨汁搓，所以呈黑色的，而且仲有两只眼仔装可爱👀。虾饺大大粒，入里包住爽弹虾肉🍤。
爆汁乳鸽(原价$68)，餐厅现时做紧推广🈹，凡每两位惠顾则赠送乳鸽一只，难怪每一枱人都啜紧手指。乳鸽烧得香脆多汁，呢度提供埋手套俾你落手食，咁先系最正宗享受。
芝士蛋糕($38)，见隔离枱个细路食，搞到我哋都想食。🧀芝士蛋糕嘅芝士味好浓郁，有啲啲腻；伴旁仲有只好QQ嘅熊仔🐻，佢系奶冻嚟。
餐厅收取每人$15茶位🍵，茶品系玄米茶。另外，餐厅亦设有加一服务费。
总括嚟讲，估唔到科学园内都有中菜馆🥢，佢卖嘅系新派创意菜式，几特别，不过定价偏进取🙈，唔知平日有冇提供午市套餐呢。由于呢日超旺场，所以上菜时间较长，但好在环境舒适，等多阵都无问题啦。
张贴
