影片
更多
2024-02-05
2270 浏览
Hunky Dory📍 沙田白石角香港科学园科技大道西19号19W大楼2楼245室朋友屋企附近嘅科学园有好多高水准同有特色嘅餐厅，踏入二月，我哋都想揾啲西餐厅食下饭，感受下情人节嘅气氛。于是星期日嘅晚上，我哋揾咗佢屋企附近嘅一间西餐厅食晚饭。Hunky Dory系一间主打经典英式美食、fusion 韩国料理、各款西式小食、咖啡同酒类饮品嘅西餐厅。餐厅喺正露天花园隔离，环境宁静，有唔少喺科学园返工嘅打工仔同住喺附近嘅年轻家庭都好钟意嚟呢度食嘢。话说Hunky-dory一词有极好嘅意思，相信为餐厅改名嘅人，应该想话俾人知佢哋嘅出品is hunky-dory！我哋坐咗系大玻璃窗旁边，位置可以眺望山景，睇住天色转暗都几有情调。入座嘅时候大概系六点，当时只有另一枱客人用膳，但估唔到踏入八点，全间餐厅都坐满晒人，人气非常！ 💰$188新英格兰龙虾包 🦞虽然我未去过英国，亦未食过所谓正宗嘅lobster roll，但明显地见到呢度嘅lobster roll有别于一般嘅英式lobster roll，主要原因系佢无用到England–style热狗包，反而选用咗有拖鞋包别称嘅Ciabatta制作呢款包。
📍 沙田白石角香港科学园科技大道西19号19W大楼2楼245室
朋友屋企附近嘅科学园有好多高水准同有特色嘅餐厅，踏入二月，我哋都想揾啲西餐厅食下饭，感受下情人节嘅气氛。于是星期日嘅晚上，我哋揾咗佢屋企附近嘅一间西餐厅食晚饭。
Hunky Dory系一间主打经典英式美食、fusion 韩国料理、各款西式小食、咖啡同酒类饮品嘅西餐厅。餐厅喺正露天花园隔离，环境宁静，有唔少喺科学园返工嘅打工仔同住喺附近嘅年轻家庭都好钟意嚟呢度食嘢。话说Hunky-dory一词有极好嘅意思，相信为餐厅改名嘅人，应该想话俾人知佢哋嘅出品is hunky-dory！
我哋坐咗系大玻璃窗旁边，位置可以眺望山景，睇住天色转暗都几有情调。入座嘅时候大概系六点，当时只有另一枱客人用膳，但估唔到踏入八点，全间餐厅都坐满晒人，人气非常！
[价钱 Price]
💰$188
新英格兰龙虾包 🦞
虽然我未去过英国，亦未食过所谓正宗嘅lobster roll，但明显地见到呢度嘅lobster roll有别于一般嘅英式lobster roll，主要原因系佢无用到England–style热狗包，反而选用咗有拖鞋包别称嘅Ciabatta制作呢款包。
Ciabatta外表酥脆，面包有比较多气孔、所以口感柔软得嚟又不失嚼劲，味道咸咸哋，带有麦香味，虽然比常见嘅England–style热狗包少咗阵浓香嘅牛油味，但搭配清新嘅龙虾一齐食，又几夹㖞。
龙虾肉同蛋黄酱混合，加上少少柠檬汁调味，夹住新鲜生菜同芝士片一齐食，滋味满分。伴碟仲有大量香脆即炸嘅薯条，唔使刻意点酱都已经叫人食唔停口！
[价钱 Price]
💰$128
炸鱼薯条 🐟🍟
食英式菜，又点少得国民级美食fish & chips啊，点都要试下嘅！个人认为呢道菜嘅卖相真系几authentic，无论薯条定炸鱼都金金黄黄，非常诱人。餐厅选用sole fish fillet制作炸鱼，香脆厚身嘅炸粉用咗beer batter，炸出嚟嘅鱼柳除咗外表膨松酥脆，里面嘅鱼肉依然鲜嫩多汁，加上特制tartar sauce，回味无穷！
[价钱 Price]
💰$68
焦糖香梨批 🍐
网上见到有唔少人都推介佢哋嘅甜品，小孩子先做选择，所以我哋一次过叫晒3款甜品，第一款亦系我最欣赏嘅一款就系苹果批嘅变奏版，香梨批！
好多地方都食到homemade apple pie，但真系唔系个个地方都有得食pear pie。两者最大嘅分别莫过于口感同味道，即使以相似方法烹调，皆因苹果口感本来比较爽脆，梨既口感比较肉厚多汁，所以出嚟嘅成品都会有好明显嘅分别。
我钟意佢嘅pie crust够厚够脆，食落好有质感，交织系批面嘅部份亦香脆可口。喺批上放上一球重云喱拿香味嘅软滑雪糕，试问边个可以抵挡佢嘅魅力？
[价钱 Price]
💰$68
蓝莓挞 🫐
蓝莓挞嘅挞皮同样出色，有足够嘅厚度，食落口感好好。挞上有用蓝莓酱整成好似云石般嘅pattern，卖相精致。Filling部分有浓郁嘅芝士味，同时都有清香嘅柠檬味，食多啖都唔会腻。
[价钱 Price]
💰$68
棉花糖巧克力芝士蛋糕 🍫
最后一款系非常巨型嘅S‘mores Cheese Cake，同一价钱嚟讲，呢款真系好抵食！食过咁多甜品，我都系第一次见S’mores同cheese cake融合一齐。主要系因为朱古力蛋糕本身已经偏甜，cheese cake亦比较甜腻，如果再系上面加上S‘mores，就一定甜到漏！但估唔到原来将三者结合一齐，居然唔会好漏，而且全部都好夹，无任何一种味道特别抢戏，味道同口感上都有互补，非常出色。
张贴
