梨滿園韓國料理

营业中

休息中

落咗几日雨，冻冻地，搞到好想食韩烧， 所以就拣咗呢间系科学园嘅韩烧店。 首先要赞一赞佢嘅环境， 坐落好阔落，抽风好，食完都无成身油烟味！呢到嘅刺身媲美好多日本餐厅，特别推介个剑鱼腩，好新鲜同好大旧！我哋点咗几轮刺身。海鲜方面都好多选择， 我点咗扇贝同生蚝，件件都好大份， 非常鲜甜！值得要赞嘅系，通常烧完海鲜之后个炉都会污糟，店员会即刻帮我哋玩一个新嘅，呢点值得赞赏。牛肉我哋拣咗顶级𠮶款，油花比我想像中多，入口即溶，我都忍唔住食咗几碟。除咗牛肉之外，薄切牛舌都好正，好有口感，非常爽脆。最后要介绍既系海鲜煎饼，佢系煎得非常之香脆，我哋最后食咗三块，海鲜煎饼必食。