Meraviglia Bar e Ristorante (已結業)

今晚入咗科學園去朋友屋企，之後佢帶我落去一間西餐廳Meraviglia Bar e Ristorante 食飯。入內環境非常舒適，有室內室外座位選擇，因為天氣有點冷，我就坐在室內，大大嘅窗可以望出去五光十色的水池景，非常relaxing.打開餐牌，都非常多選擇, 服務員有禮推介佢哋燒雞，是本地農場雞，新鮮肉質又彈口，非常健康。🥗巴拿馬火腿健康蔬菜沙律用上新鮮蔬菜，配上意大利巴拿馬火腿, 加上橄欖油醋汁, 健康又開胃。🐔Roasted half chicken $298雞皮燒得非常香脆，用上香草胡椒鹽醃制，已經提升雞肉鮮味。另外佢嘅配菜非常入味燒得香口。Vongole Wine Sauce with garlic bread $288， 白酒煮蜆，蜆肉剛剛熟非常鮮甜，個汁沾上蒜蓉包份外惹味。Crème Brûlée $148 , 呢個意大利甜品好creamy 好好食。原來逢星期六日好多小朋友喜歡到呢度，因為室內室外都放滿小朋友喜歡的遊樂設施，好受一家大細歡迎。