影片
更多
2024-05-04
342 浏览
今日同妈咪喺白石角踩完单车肚饿啦，经过一间海旁边新式酒楼，仲有午市优惠添，就入咗去试下啦。我哋坐喺户外嘅位置望住个海一边叹茶食点心叫到成枱都系嘢食。呢度啲服务员都好热情，唔知系咪因为望住过海做嘢特别好人😂比起平时又嘈又迫嘅酒楼，啲嘢食仲要咁有水准，呢间真系唔错👍🏻香煎萝卜糕萝卜糕外脆内软，入边嘅馅料好丰富。我哋拣咗铁观音茶，茶非常香浓解腻。呢款萝卜糕同出边食嘢有少少唔同，口感特别软滑。瑶柱鲜虾菜苗饺我哋本身好钟意食菜苗饺，咬落去啲汁爆晒出嚟，鲜虾味浓郁，成个感觉系食材好新鲜。红烧妙龄乳鸽乳鸽炸得好香脆，热辣辣上枱。呢只乳鸽只系$28蚊。抵食之选，值得一试。时菜炆龙趸头炒河粉我同妈咪本身系鱼嘅爱好者，所以叫咗呢个龙趸炒河粉。个河粉嘅份量超大，应该四个人都够share 一齐食。自问都算大食，建议两个人如果叫呢个嘅话就要拎定个饭盒打包。木鱼花虾胶酿茄子平时喺其他酒楼嘅酿茄子都系用鲮鱼肉去酿。呢个好特别系用虾胶去酿。所以食落去系好软腍腍嘅茄子再加上弹牙嘅虾胶。口感同埋味道都好夹。食完好满足。蔬汁金柚雪山包雪山包嘅卖相非常之漂亮，一出场简直惊艳咗我哋。个雪山包松软得来个皮带点脆。一咬落去啲金柚成
香煎萝卜糕
萝卜糕外脆内软，入边嘅馅料好丰富。
我哋拣咗铁观音茶，茶非常香浓解腻。
呢款萝卜糕同出边食嘢有少少唔同，口感特别软滑。
瑶柱鲜虾菜苗饺
我哋本身好钟意食菜苗饺，咬落去啲汁爆晒出嚟，鲜虾味浓郁，成个感觉系食材好新鲜。
红烧妙龄乳鸽
乳鸽炸得好香脆，热辣辣上枱。呢只乳鸽只系$28蚊。抵食之选，值得一试。
时菜炆龙趸头炒河粉
我同妈咪本身系鱼嘅爱好者，所以叫咗呢个龙趸炒河粉。个河粉嘅份量超大，应该四个人都够share 一齐食。自问都算大食，建议两个人如果叫呢个嘅话就要拎定个饭盒打包。
木鱼花虾胶酿茄子
平时喺其他酒楼嘅酿茄子都系用鲮鱼肉去酿。呢个好特别系用虾胶去酿。所以食落去系好软腍腍嘅茄子再加上弹牙嘅虾胶。口感同埋味道都好夹。食完好满足。
蔬汁金柚雪山包
雪山包嘅卖相非常之漂亮，一出场简直惊艳咗我哋。个雪山包松软得来个皮带点脆。一咬落去啲金柚成口都系，本身谂住嗌佢个招牌流沙包嘅，但系谂谂吓度度都有得食就试吓呢个新嘢，估唔到真系好超惊喜。
牛油果鳗鱼春卷
我认为呢一个系咁多个点心之中最特别嘅一个。成个春卷嘅材料系牛油果青瓜同埋鳗鱼。成个味道夹埋系非常清新鲜味。
本身个鳗鱼系厚身𠮶只，所以食落去系非常非常满足。
豆沙窝饼
连豆沙窝饼都好出色，煎到个皮金黄色。
外面脆卜卜，里面嘅豆沙馅甜度适中，
非常好味。值得带屋企人过嚟试一试。
羊肚菌烧卖王
最后呢款烧卖好贴心，系可以两粒两粒咁叫。一咬落去猪肉嘅鲜味爆晒出嚟。配埋羊肚菌嘅香味好浓郁，成个配搭好夹。
呢间酒楼食嘅除咗系鲜味，我觉得系创意满分，喺海旁边同屋企人饮住茶，倾吓心事，绝对系值得一试。
张贴
