BriKetenia (香港科學園) (已易手) 新餐厅

今日入科学园搞啲科学嘢，搞掂啲文件之后可以放工，约咗个喺度返工嘅friend慢慢食慢慢叹，朋友介绍呢间西餐厅唔错，环境都几好，位于科技大道四号停车场附近嘅17W一楼嘅《 Briketenia》食物有水准，值得一赞。店内环境雅致舒适，卡位位置够宽敞。先来个法包配anchovy酱汁~酱汁味道香浓，法包够脆，呢个小好醒胃。烟三文鱼牛油果沙律~沙律菜好新鲜，牛油果既美味又有益，配合烟三文鱼是一个不错的前菜。法式鹅肝焦糖炖蛋~真系不得了，鹅肝酱配薄脆包，呢个做法仲要比较特别，焦糖炖法甜甜地，食完一口又一口，停不了。扒大虾扁意粉~意粉炒得香口，大虾新鲜弹牙，味道香浓。法式油封鸭腿配薯蓉~都系𠮶句，法式油封鸭做法好麻烦，出嚟见到一定要食，皮脆肉香，配薯蓉最合适。甜品-伯爵茶朱古力蛋糕配云呢拿雪糕~饭后来杯咖啡配甜品，仲可以慢慢倾慢慢叹。