影片
更多
2018-05-21
167 浏览
星期六同女朋友踩单车，去到中途站科学园，决定食个晚饭补充下体力先继续踩。其实科学园入夜都几似死城，所有野都关左，只系得翻几间餐厅有开。我地就拣左呢间日本餐厅。餐厅用左简约设计，天花有一个个波波灯，加上落地大玻璃窗，可以隐约见到日落美景，真系好舒服。食物方面，我地要左一个set dinner。前菜有炸鸡沙律，三品刺身同味噌汤。先讲炸鸡，几有惊喜，脆得黎完全唔油腻，而且味道好够。反而下面既沙律菜就太少酱汁，如果多d就好。到刺身方面，有三文鱼，珍宝带子同甜虾。通常set dinner送既刺身质素都麻麻，但呢度三样都好新鲜，特别系带子，非常鲜甜。而味噌汤都唔会过咸/饮落好多粉。主菜部分，一见到有照烧澳洲和牛就决定要佢！一黎到已经流哂口水，和牛大概烧到5成熟，超淋，唔算重油份但牛肉味都好浓。个汁系普通既烧汁，无咩特别，但其实靓牛唔洗加汁都得。女朋友就话踩完单车唔想食咁多野，佢要左一个寿司并盘-上寿司盛盒。入面有八款寿司加一个香葱吞拿鱼小卷。连set dinner前菜刺身都好食，寿司质素就更高！每样刺身都好新鲜，好鲜甜，连最易腥既白色鱼都完全唔腥。最正系海胆，完整一大片，好甜，完全唔腥仲有少少回甘
餐厅用左简约设计，天花有一个个波波灯，加上落地大玻璃窗，可以隐约见到日落美景，真系好舒服。
食物方面，我地要左一个set dinner。
前菜有炸鸡沙律，三品刺身同味噌汤。
先讲炸鸡，几有惊喜，脆得黎完全唔油腻，而且味道好够。反而下面既沙律菜就太少酱汁，如果多d就好。
到刺身方面，有三文鱼，珍宝带子同甜虾。通常set dinner送既刺身质素都麻麻，但呢度三样都好新鲜，特别系带子，非常鲜甜。
而味噌汤都唔会过咸/饮落好多粉。
主菜部分，一见到有照烧澳洲和牛就决定要佢！
一黎到已经流哂口水，和牛大概烧到5成熟，超淋，唔算重油份但牛肉味都好浓。个汁系普通既烧汁，无咩特别，但其实靓牛唔洗加汁都得。
女朋友就话踩完单车唔想食咁多野，佢要左一个寿司并盘-上寿司盛盒。
入面有八款寿司加一个香葱吞拿鱼小卷。连set dinner前菜刺身都好食，寿司质素就更高！每样刺身都好新鲜，好鲜甜，连最易腥既白色鱼都完全唔腥。最正系海胆，完整一大片，好甜，完全唔腥仲有少少回甘。
踩完单车可以喺个咁舒服既环境，食到高水准食物，真系好叹！
张贴
