影片
更多
2024-08-11
265 浏览
川浓 KAWANO📍沙田科技大道东1号1E大楼地下S003C号舖星期六晚同朋友喺科学园睇直播奥运篮球比赛铜牌战，睇完够钟食晚餐，于是见到边间餐厅就食边间，无意中发现一间性价比高嘅川菜餐厅。坐低揭餐牌，发现呢间餐厅特别之处就系主打川味嘅菜式，但牛肉豚肉等等就选用日本产嘅和牛和豚，令人颇感惊喜！ 💰$68北海道和牛米豚米线 🍜既然餐厅精选北海道进口嘅和牛和豚，又特别推介招牌重庆川辣面，我哋就梗系拣返一碗集三者而成嘅米线一试啦！「未来十胜牛」同「千歳う米豚」份量十足，铺满大半碗米线，和牛上菜时唔系全熟，汤底热力慢慢浸熟后，肉质会冇咁嚡同韧，而且充满牛香；豚肉脂肪较少，肉质鲜嫩有浓香豚肉味，净系两款肉类都已经好满足。除两款肉片外，每款米线都配有腐竹、豆卜、豚肉肉酱及生菜，米线亦比连锁米线店嘅面底大，所以非常饱肚，非常抵食！汤底有五款口味选择，三款都系川辣为主，另外一款豚肉鸡肉浓汤，一款胡椒汤。唔系非常食得辣嘅，我哋拣咗双胡椒鸡骨浓汤，睇相你会见到米线面有少量啡黑嘅酱，只要将𠮶款酱搅匀，汤底就会有极香极浓嘅胡椒味！虽然味道香浓，但唔会好咸，胡椒口味特别暖胃，难怪系招牌！ 💰$58重庆鸡肉香锅 🐓
📍沙田科技大道东1号1E大楼地下S003C号舖
星期六晚同朋友喺科学园睇直播奥运篮球比赛铜牌战，睇完够钟食晚餐，于是见到边间餐厅就食边间，无意中发现一间性价比高嘅川菜餐厅。
坐低揭餐牌，发现呢间餐厅特别之处就系主打川味嘅菜式，但牛肉豚肉等等就选用日本产嘅和牛和豚，令人颇感惊喜！
[价钱 Price]
💰$68
北海道和牛米豚米线 🍜
既然餐厅精选北海道进口嘅和牛和豚，又特别推介招牌重庆川辣面，我哋就梗系拣返一碗集三者而成嘅米线一试啦！「未来十胜牛」同「千歳う米豚」份量十足，铺满大半碗米线，和牛上菜时唔系全熟，汤底热力慢慢浸熟后，肉质会冇咁嚡同韧，而且充满牛香；豚肉脂肪较少，肉质鲜嫩有浓香豚肉味，净系两款肉类都已经好满足。
除两款肉片外，每款米线都配有腐竹、豆卜、豚肉肉酱及生菜，米线亦比连锁米线店嘅面底大，所以非常饱肚，非常抵食！汤底有五款口味选择，三款都系川辣为主，另外一款豚肉鸡肉浓汤，一款胡椒汤。唔系非常食得辣嘅，我哋拣咗双胡椒鸡骨浓汤，睇相你会见到米线面有少量啡黑嘅酱，只要将𠮶款酱搅匀，汤底就会有极香极浓嘅胡椒味！虽然味道香浓，但唔会好咸，胡椒口味特别暖胃，难怪系招牌！
[价钱 Price]
💰$58
重庆鸡肉香锅 🐓
另一招牌系重庆香锅，因为已经试过牛肉同豚肉，我哋就拣咗鸡肉。我哋觉得呢个重庆香锅真系非常抵食，除咗唔使$60就有大量惹味嫩滑鸡肉，锅肉仲有土豆片、椰菜花、西兰花同莲藕片等，食材丰富，等别下饭。香锅可以按个人喜好选择辣到，我哋拣咗微辣，都已经feel到嘴唇好麻，条脷好辣，不过食到咁香咁正嘅小菜，真系值得一试！
[价钱 Price]
💰$32
红油抄手 🥟
另一个惊喜系红油抄手，五大粒抄手有好长嘅拖尾，红油香而不辣，肉馅味道浓郁，有少少似羊肉嘅调味，好食到我一人食咗三粒！
[价钱 Price]
💰$28
酸辣猪肚 🐖
呢款酸辣猪肚同样抵食，除咗份量同样十足，酸辣味道适中，猪肚丝爽口弹牙无异味，搭配米线或白饭都同样滋味。
[价钱 Price]
💰$13
豆浆 🥛
跟餐价只系$13，豆香浓郁，口感幼滑，而且非常解辣。
[价钱 Price]
💰$20
Sangaria波子汽水 🥤
朋友则拣咗罐装波子汽水，同一般波子汽水味道相同，食川菜饮日本嘢，都几有趣。
张贴
