薈聚軒

营业中

休息中

我哋住喺沙田咁耐都好少去科学园，今日特意渣车入嚟行吓。原来科学园入面有好多餐厅食肆，而且地方好大、空气清新，行到嚟19号19w大楼1楼呢度有条长走廊，仲有啲特大梳化可以坐喺度轻松倾吓偈，真系心旷神怡！隔离有间酒楼叫汇聚轩，系食粤菜嘅，环境同装修都好舒服。我哋商量后就坐低，点咗几个菜。菜式方面，火爆安格斯牛柳条辣劲十足、卖相吸引，每一啖都尝到牛肉嘅细嫩同新鲜；而瑶柱贵妃鸡嘅味道恰到好处，肉质适中不柴；至于椒丝腐乳炒生菜，炒得火侯恰当，既保留咗青菜嘅爽口，又带出腐乳嘅香味，真系令人食欲大增。每次嘅探索，科学园总会带来意想不到嘅惊喜，期待下次再访，继续发掘更多精彩嘅美食同享受。