Pho Bar (已結業)

大乡里出城，陪荣升咗老婆嘅女朋友去中环睇医生，人生路不熟，盲头乌蝇咁揾唔到食咩好嘅时候，老婆揾到间喺条巷嘅越南粉面。下午一点几，唔使排队都有得食，我见有写住十二点三前埋单仲有八折添，下次早啲嚟应该平啲。价钱嚟讲中环算比较平嘅餐厅，老婆拣咗个每日粉选，今日系牛腩面，而我就点咗个新加坡肉骨茶配饭，另外加多个小食，秘制鸡翼。老婆个牛腩面好多牛腩，我个肉骨茶都有4-5条骨。特别要提嘅系个秘制鸡翼！个秘制汁好食到讲唔出口，要密密食😋不过可能系小店，呢度净系收现金同AE。