Hello Kitty Secret Garden (已結業)

之前系铜锣湾 sogo买过hello kitty cake觉得都几好食又得意，宜家知道佢系大坑开左咖啡店，梗系去试下啦等左40分钟，终于有位。叫左杯泡沫咖啡同凯撒沙律仲有杯冻果茶加意粉。泡沫咖啡好多泡好厚好松绵，啲泡打得几好！上面个hello kitty icon好得意啊！成杯野饮未饮先加分！饮左第一淡，咖啡味几浓，同奶嘅比例啱啱好。虽然40几元一杯但咁大杯都抵啦。个果茶朋友叫嘅，佢话唔太甜，果味茶味都有，唔错㖞。而个凯撒沙湾价钱比较贵但都几大碟。罗马生菜个色好新鲜，冇变黄，沙律同面包粒粒都几多，同捞得均匀，啖啖都食到。最后个意粉，有少少失望，因为啲意粉有少少偏硬可能系煮个时间唔够耐。