鳥華亭

营业中

休息中

天寒地冻，最想食返啲热辣辣既野食。灵光一闪，记得喺湾仔公园有一间隐秘既拉面店，之前经过无数次都未试过，今晚就决定一试虚实！店舖好似其他拉面店一样，座位唔多，简简单单。一睇餐牌，拉面店主打鸡汤拉面，同其他拉面店一般用猪骨汤底唔同。我地点左一个至极白汤拉面同埋鱼介白汤拉面，同埋饺子、牛肉薯饼、明太子鸡翼。面如其名，白鸡汤汤底，第一次品尝鸡汤汤底，汤底口感滑溜，无左猪骨汤油腻既感觉，鸡味浓郁。另一款加入鱼汤既汤底，比起鸡白汤层次更加丰富，如果喜欢浓味既食客可以考虑。拉面用既叉烧系鸡肉，入口松软，有别于一般猪肉叉烧。面身弹牙爽口，都系坊间少见。小食都系诚意之作，薯饼重薯味，真材实料，当然牛肉可以再多少少。饺子就配左三种不同酱料：介辣、豆瓣酱同葱油，提供多重享受俾食客。明太子鸡翼，故名思义，将明太子酿入鸡翼内，味道不错。总结：近年少见有诚意既拉面店，难得之处，系样样都好好食，所以就算拉面店位置隐蔽，仍然不断有食客等位，写写下食评，已经开始想再去食。