飯飯包掂 (已結業)

好耐冇去联和墟，同朋友去逛逛之余，谂住揾个特色嘅健康餐厅，一向注重健康嘅我，突然见到呢区最新嘅地标「囍逸」有间用好多绿色植物布置嘅餐厅，即刻同朋友入去睇睇。到咗餐厅之后，一位热情嘅店员带咗我哋去一个两边都系落地大玻璃同埋个景最靓嘅单边位，可能睇落知道我哋钟意影相打卡挂。😅😆坐低之后，我就问其中一位店员有啲乜嘢招牌菜推介，佢话最多人食就系酸菜鱼，我问要唔要叫其他小菜，佢话一味已经够晒啦！另外问我哋要大、中、定系小辣，我同我朋友话怕太辣，所以店员就建议我哋叫小辣，如果唔够辣可以后加。 仲要一提嘅系，所有店员都出乎意料之外嘅极度友善，我个朋友唔系好识讲中文，我行去洗手间之后，个店员叫我朋友教佢讲唔同配菜嘅英文，氹得我朋友好开心。酸菜鱼真系好大盘好足料，有冇骨鱼片、大豆芽、云耳、薯粉、豆腐卜、酸菜、支竹、辣椒、原粒胡椒、同鱼汤等等，另外可以好似食火锅一样，加配自己钟意嘅配菜，份量真系好大，如果净系叫酸菜鱼唔叫其他嘅嘢食，以我嘅胃口都已经够四、五个人吃， 鱼肉超多，本来以为净系面𠮶层系鱼肉，点知捞极都有好多鱼肉，个人口味而言，非常之钟意食薯粉，觉得好健康，加上黑木耳有好多骨胶原，同埋鱼汤汤底鱼味