來佬餐館 (已結業)

由于疫情关系，选择餐厅的时候都会考虑餐厅的卫生情况及室内的环境。所以今次我哋就去咗来佬餐馆用餐，因为佢地环境优雅精致，餐厅设计简约，坐得好舒适，同时，位同位之间的距离唔会好近，大家都可以保持距离安心咁食饭。今次Lunch我哋就叫咗佢哋经典美食，我试咗个「无骨海南鸡饭」，鸡肉当然已经去骨，肉质鲜味，嫩滑有弹性，鸡皮爽口唔会太肥。一上枱就闻到好香油饭味，油饭粒粒分明，带有油光，食落带有淡淡香料味。酱料方面，三色酱酸、甜、辣都有，恰到好处，配埋个鸡令人胃口大开！另一位朋友就叫咗「来佬汁炒河」，佢地个牛河超惹味，配埋个橙色的辣椒酱真系好夹，我既朋友好快就清哂个碟同辣酱。值得一提系佢地用咗餐厅秘制的「来佬汁」炒，听讲个汁用干瑶柱、蚝豉、大地鱼等海味，加上各种香料熬煮，有独特的咸甜味道，值得一试！另外仲叫咗「阔佬叉烧蛋饭」，听讲佢地既叉烧自家烤制，配上新鲜煎蛋同埋秘制酱汁及葱油，系午餐的一个好选择。