閨•家 (西九龍中心) (已結業)

同朋友行完西九龙中心，原已经过咗买𩠌时间，咁啱见到间闺.家餐厅，门口餐牌啲相图文并茂，吸引到我想试吓，今晚一于买外卖回家食。咖喱牛腩饭，买饭有老火汤𩠌，足料冇味精，清甜好饮。店员话店铺最出名就系独门秘制咖哩，咖喱酱汁利用了不同的咖喱粉混合而成，再加上椰汁和花奶，椰香味香浓，可自选大中小辣。再配上软腍的牛腩，用来送饭一流。咖喱猪扒饭，猪扒冇用化学野腌，系用天然材料腌制，并且煎过锁住肉汁，再加上小辣嘅咖喱汁，有椰香味，甜甜哋，辣辣哋，超级惹味！铁板猪扒炒乌冬，乌冬炒得香喷喷，大大块猪扒铺面已经盖住乌冬，味道调得咸甜适中，加少许辣酱食更添美味。