多利蘿瑪排骨之家 (已結業)

有张主餐买一送一 coupon, 衬亚仔呢个星期无咁忙，决定星期六同佢嚟食晚餐。早几日打电话嚟订枱，订 6:30 pm, 接电话的事先声明要 8 pm 交番张枱，当然无问题喇。去到可能时间尚早，只有两三枱客，清清静静，方便倾偈，几好。法包配香草牛油 : 有两条法包，面包仍有微温，颇脆口，涂上香草牛油，牛油味唔系好浓，但也不错 Baby back ribs (full slab) ($198) : 有12 条骨，肉质好腍，唔驶点用力已可将骨、肉分开，啲酱汁好好味，甜甜地，老公一边吃，一边赞不住口。另配咗亚仔至爱嘅薯条及酸酸地好开胃嘅沙律，可惜已经无得拣配焗薯，因为我以前同朋友食过配焗薯，个焗薯超级好味8oz特选牛柳配蘑菇汁($208): 点菜时女侍体贴地提议我地唔好再拣薯条，选 broccoli or green beans 比较健康，最后我地拣咗 beans. 牛柳要咗七成熟，肉质嫩滑，亚仔就比较喜欢这个主菜。由于我地一阵打算去Häagen-Dazs买雪糕，所以就无叫甜品了。用咗张优惠券，埋单 $248.60 八点钟我地走嘅时候，仍有七、八成枱系无客人坐嘅。